Мэдээ

"Булган Мээж" ОНӨХК, Дулааны станцын удирдлага, инженерүүд, холбогдох хэлтсийн дарга нартай уулзаж, үүсээд байгаа нөхцөл байдал, дулаан хангамж сайжрахгүй байгаа шалтгааныг тодруулж, шийдлээ ярилцлаа.

  • .

  • 2021-04-01

  • 24
Дулааны станц ашиглалтад ороод 2 жил боллоо. Энэ бол багагүй хугацаа. Гэвч бид гэртээ, ажил дээрээ жиндэж, нэмэлт зуухаа ажиллуулсаар аймгийн төв нүүрсний утаа, агаарын бохирдлоосоо ч салсангүй. Одоо яах вэ гэж ярьж суух биш яаж ийгээд хурдан шийдвэрлэхгүй бол ирэх өвөл бас л энэ чигээрээ байх нь гарцаагүй. Дулаан үйлдвэрлэгч, түгээгч 2 компаний үл ойлголцол, хамтарч ажиллахгүй байгаагаас иргэд маань хохирч байна. Бид "Булган Мээж" ОНӨХК, Дулааны станцын удирдлага, инженерүүд, холбогдох хэлтсийн дарга нартай уулзаж, үүсээд байгаа нөхцөл байдал, дулаан хангамж сайжрахгүй байгаа шалтгааныг тодруулж, шийдлээ ярилцлаа. Цаашдаа хамтарч ажиллана. Үр дүнд хүргэнэ.
Иргэддээ тайлбарлах хэд хэдэн асуудал байна. Тиймээс аймгийн ЗДТГ, Дулааны станц, "Булган Мээж" ОНӨХК, Булган сум оролцсон хэлэлцүүлэг, шууд нэвтрүүлгийг 2021.04.02-ны Баасан гарагт 19:00 цагаас зохион байгуулахаар боллоо. Иргэд, аж ахуй нэгжийн төлөөлөл оролцож болно нээлттэй. Шууд утсаар санал хүсэлт авна. Та бүхэн 70347034 дугаараар холбогдоорой.

Мобиком Корпорац хэрэглэгчийнхээ хамтаар "Хамтдаа бүтээе" картын 5% орлогоор гамшигт өртсөн айлуудад өргөө цагаан гэр хандивлалаа.

  • .

  • 2021-03-30

  • 7
Мобиком Корпорац хэрэглэгчийнхээ хамтаар "Хамтдаа бүтээе" картын 5% орлогоор гамшигт өртсөн айлуудад өргөө цагаан гэр хандивлалаа. Хандиваар олгосон гэрүүдийг Булган сумынхаа 6-н өрхөд гардуулан хүлээлгэж өглөө.
Та бүхний ажил үйлсэд өндөр амжилт хүсье
Сайн үйлс бүхэн дэлгэрэх болтугай.

“Шинэ хөгжлийн зам” үйл ажиллагааны хөтөлбөрийг хэрэгжүүлэх гарааны жилийн босгон дээр агентлаг, хэлтсийн дарга нартай хамтран ажиллах гэрээгээ байгууллаа.

  • .

  • 2021-04-13

  • 31
Аймгийн Засаг даргаар томилогдон үүрэгт ажлаа хүлээж аваад таван сарыг ардаа үдлээ. Энэ бол бид юунаас эхлэж байна вэ гэдэг гараагаа тодорхойлох, хамтран ажиллах багаа бүрдүүлэх, өнгөрсөн жилүүдэд юун дээр алдав, юун дээр онов, одоо бидэнд зайлшгүй хийх шаардлагатай зүйл юу байна вэ гэдэгт дүгнэлт хийх хугацаа байлаа.
2020-2024 онд Булган аймгийн эдийн засаг, нийгэм, засаглалын хөгжлийн чиг зүгийг тодорхойлох аймгийн Засаг даргын “Шинэ хөгжлийн зам” үйл ажиллагааны хөтөлбөрийг хэрэгжүүлэх гарааны жилийн босгон дээр агентлаг, хэлтсийн дарга нартай хамтран ажиллах гэрээгээ байгууллаа.

Олон улсын эмэгтэйчүүдийн эрхийг хамгаалах өдөр зохион байгуулагдсан "Ярилцъя-шийдье" арга хэмжээний үеэр Булган сумын 3 дугаар багийн иргэн 9 хүүхэдтэй М.Цэрэнхандад амласан ёсоор өнөөдөр гэрийг нь гардуулж өглөө.

  • .

  • 2021-03-18

  • 6
Олон улсын эмэгтэйчүүдийн эрхийг хамгаалах өдөр зохион байгуулагдсан "Ярилцъя-шийдье" арга хэмжээний үеэр Булган сумын 3 дугаар багийн иргэн 9 хүүхэдтэй М.Цэрэнхандад амласан ёсоор өнөөдөр гэрийг нь гардуулж өглөө. Үртэй хүн жаргаж, үндэстэй мод цэцэглэнэ гэдэг. "Өргөө гэрээ өнгөтэй өөдтэй авч явж, үр хүүхдүүдээ сайн хүн болгож өсгөнө өө" гэж хэлсэн түүний үгийг сонсох урамтай байлаа. Мөн энэ өдөр шинэ гэрийг нь хөлдөөгчөөр мялаасан "Эрдмийн Өргөө" цогцолбор сургуулийн хамт олон, хүнсний болон ахуйн хэрэглээний тусламж үзүүлсэн "Улаан загалмай"-н хороо, гэр, хашааг нь барих ажлыг гүйцэтгэж байгаа Булган сумын ЗДТГ, "Булган Мээж" ОНӨХК, "Эрдэнэт-Булганы цахилгаан түгээх сүлжээ" ТӨХК-ий хамт олонд талархал дэвшүүлье.
Сайн үйлс дэлгэрэх болтугай.

Монгол хүн сансарт ниссэний 40 жил,

  • .

  • 2021-03-17

  • 6

Монголчууд бидний бахархалт эрхэм Ж.Гүррагчааг ОХУ-н Ерөнхийлөгч В.В.Путины зарлигаар ОХУ-н Төрийн дээд шагнал Александр Невскийн одонгоор шагнажээ.

  • .

  • 2021-04-13

  • 36
Монгол улс, Оросын холбооны улсын баатар Булган аймгийн Гурванбулаг сумын уугуул, Монголчууд бидний бахархалт эрхэм Ж.Гүррагчааг ОХУ-н Ерөнхийлөгч В.В.Путины зарлигаар ОХУ-н Төрийн дээд шагнал Александр Невскийн одонгоор шагнажээ.
Эрхэм баатартаа баяр хүргэж, урт удаан наслахыг ерөөе! Монгол хүн сансарт ниссэний 40 жилийн ойн мэндийг нийт Булганчууддаа хүргэе!

Анхдагчдын өлгий нутаг Булганчууд "Бахархлын цогцолбор"-той болохоор зураг төслийн уралдаан зарлаж байна

  • .

  • 2021-03-15

Анхдагчдын өлгий нутаг Булганчууд "Бахархлын цогцолбор"-той болохоор зураг төслийн уралдаан зарлаж байна. Уран бүтээлчид Та бүхэн идэвхитэй оролцоорой.

Булган сумын Тусгай зөвшөөрөлтэй хүнсний дэлгүүрүүдээс аймгийн Нэгдсэн эмнэлгийн хүүхдийн тасагт нярайн шарлагын аппарат хандивлалаа.

  • .

  • 2021-03-09

Булган сумын Тусгай зөвшөөрөлтэй хүнсний дэлгүүрүүдээс аймгийн Нэгдсэн эмнэлгийн хүүхдийн тасагт нярайн шарлагын аппарат хандивлалаа.
Та бүхэнд Булган хангай нутгийн ирээдүй болсон хүүхэд багачуудынхаа өмнөөс чин сэтгэлийн талархал илэрхийлье
Сайн үйлc бүхэн дэлгэрэх болтугай

Булган аймаг нийгэм, эдийн засгийн чухал салбаруудад Европын холбоотой хамтран ажиллана.

  • .

  • 2021-03-09

Булган аймаг нийгэм, эдийн засгийн чухал салбаруудад Европын холбоотой хамтран ажиллана. Өнөөдөр /2021.03.09/ Европын Холбооны суурин төлөөлөгчийн газартай цахим хурал хийлээ. Тус хурлаар:
• Орон нутгийн төсвийн удирдлага
• Анхан болон дунд шатны шүүхийн салбар
• Боловсрол
• Эрүүл мэнд
• Сэргээгдэх эрчим хүч
• Худалдаа үйлчилгээний стандарт
• Хатуу хог хаягдлыг дахин боловсруулах
• Ноос, ноолууран бүтээгдэхүүнийг гэрчилгээжүүлж, дэлхийн зах зээлд гаргах зэрэг орон нутгийн хөгжилд нэн чухал ажлууд дээр хамтран ажиллахаар боллоо.
Цар тахал намжин, дэлгэр цаг ирэхэд Европын холбооны суурин төлөөлөгчийг нутагтаа урьж, бодит нөхцөл байдлаа танилцуулан, үр дүнтэй хамтын ажиллагаа тогтоохоор санал солилцоод байна.

"Ярилцъя-шийдье" арга хэмжээний хүрээнд Булган сумын 3 дугаар багт амьдардаг 0-16 насны 9 хүүхэдтэй ээж М.Цэрэнхандад хувийн зүгээс иж бүрэн тавилгатай гэр, хашаа олгохоор боллоо.

  • .

  • 2021-04-13

  • 15
"Ярилцъя-шийдье" арга хэмжээний хүрээнд Булган сумын 3 дугаар багт амьдардаг 0-16 насны 9 хүүхэдтэй ээж М.Цэрэнхандад хувийн зүгээс иж бүрэн тавилгатай гэр, хашаа олгохоор боллоо. 9 хүүхдээ эрүүл саруул өсгөн бойжуулж, сургууль завсардуулалгүй амьдралын төлөө зүтгэж яваа тус ээжид Булган сумаас өмчлөлийн газар олгохыг, Хөдөлмөр халамжийн үйлчилгээний газрыг хүүхдүүдийг нь яслид хамруулж, ажилд зуучлахыг, Боловсрол, соёл урлагийн газар, "Эрдмийн өргөө" цогцолбор сургуулийг хүүхдүүдийн боловсрол, хичээл сурлагад анхаарахыг, Эрүүл мэндийн газар, Нэгдсэн эмнэлгийг ээж хүүхдүүдийн эрүүл мэндэд анхаарал хандуулж, урьдчилан сэргийлэх үзлэг, дархлаажуулалтад хамруулахыг үүрэг болголоо. Бид 10 хоногийн хугацаанд хашааг нь барьж, шинэ гэрт нь оруулах болно.
Мөн Тэшиг сумын Хилийн цэргийн 3 дугаар застав дээр шинэ цэцэрлэг байгуулж, 3 эмэгтэйг ажлын байраар хангах, тус цэцэрлэгээс гадна хилийн застав дээр байгаа нийт 4 цэцэрлэгийн тоглоомын асуудлыг шийдвэрлэхээр боллоо.
Олон бүсгүйчүүдийг ажилтай орлоготой болгож, олон олон багачуудаа эрүүл чийрэг, инээд баясалтай байх орчныг бүрдүүлэхийн төлөө хичээн ажилласаар байх болно.

Олон улсын эмэгтэйчүүдийн эрхийг хамгаалах өдөр Мартын 8-ны хүрээнд “Ярилцъя-шийдье” уулзалт, арга хэмжээг зохион байгууллаа.

  • .

  • 2021-03-08

Олон улсын эмэгтэйчүүдийн эрхийг хамгаалах өдөр Мартын 8-ны хүрээнд “Ярилцъя-шийдье” уулзалт, арга хэмжээг зохион байгууллаа.
Тус арга хэмжээний хүрээнд эмэгтэйчүүдийн эрх, эрүүл мэнд, боловсрол, хөдөлмөрлөх эрх ба боломж, эмэгтэйчүүдийн эсрэг гэмт хэрэг, хүчирхийлэл сэдвээр холбогдох агентлагууд мэдээлэл танилцууллаа.
Бид энэ өдөр эмэгтэйчүүдээ баярлуулахаас гадна тэднийг илүү хүндлэгдсэн, илүү үнэлэгдсэн эрх тэгш нийгэмд амьдруулахын тулд тулгамдсан асуудлуудаа ярилцаж, шийдлээ тодорхойлохыг эрхэмлэсэн юм.

Булган аймгийн Нутгийн зөвлөлийн дарга, Монгол улсын Ерөнхийлөгчийн зөвлөх, УИХ-ын гишүүн асан Э.Мөнх-Очир Ковид-19 цар тахлын үед постод гарч байгаа албан хаагчдад зориулж 10 хайрцаг шинэ хувцсыг илгээлээ

  • .

  • 2021-04-13

  • 1

Булган аймгийн Нутгийн зөвлөлийн дарга, Монгол улсын Ерөнхийлөгчийн зөвлөх, УИХ-ын гишүүн асан Э.Мөнх-Очир Ковид-19 цар тахлын үед постод гарч байгаа албан хаагчдад зориулж 10 хайрцаг шинэ хувцсыг илгээсэнд чин сэтгэлийн талархал дэвшүүлье. Цаашид Булган нутгийнхаа хөгжлийн төлөө олон чухал ажлуудад хамтран ажиллах болно.

Хуудас:  1   2   3   4   5   6  .... (нийт 402 мэдээ )

Булган 80-н жил