Булган аймгийн шүүх нь 2011 онд “Шүүн таслах ажлын чанарыг сайжруулах, шүүгч, ажилтнуудын ажил хэргийн мэдлэгийг дээшлүүлэх, шүүхийн үйл ажиллагааны ил тод байдлыг хангах” зорилт тавин ажилласан билээ. Өнгөрсөн онд зохион байгуулсан ажлын үр дүнгээрээ Монгол Улсын шүүхийн байгууллагуудын хэмжээнд “Хамгийн сайн менежменттэй шүүх”-ээр шалгарч, өргөмжлөл, мөнгөн шагналаар шагнагдлаа.

Мөн Сум дундын шүүхийн шүүгч Н.Нарангэрэл нь Монгол Улсын хэмжээнд ажиллаж байгаа анхан шатны шүүхийн шүүгчдийн дундаас 2011 оны шүүн таслах ажлын чанар болон шүүхийн үйл ажиллагааг боловсронгуй болгох, өөрийн мэдлэг боловсрол, ажил хэргийн чадвараа дээшлүүлэх чиглэлээр хийсэн ажлаараа  “Санаачлагатай шүүгч-шинэчлэгч”-ээр шалгарчээ.

Булганы  мэдээ