Мэдээ

АЙМГИЙН ЗАСАГ ДАРГАТАЙ СУМ, АГЕНТЛАГУУД 2018 ОНЫ ҮР ДҮНГИЙН ГЭРЭЭ БАЙГУУЛЛАА

  • .

  • 2018-02-19

  • 42

    Жил бүрийн эхэнд аймгийн Засаг дарга, сум, агентлагуудын дарга нартай хамтран ажиллах болон үр дүнгийн гэрээг байгуулдаг. Өнөөдөр /2018.02.08/ Булган аймгийн Засаг дарга З.Батзориг 2018 онд хамтран ажиллах байгууллагуудтай үр дүнгийн гэрээ байгуулж, гарын үсэг зурлаа. Тэрээр 2017 онд хийж  хэрэгжүүлсэн ажил, алдаа оноогоо ярилцаж, 2018 онд Төрийн захиргааны үйл ажиллагааг бэхжүүлж, үйлчилгээний чанар өгөөжийг дээшлүүлэх талаар анхааруулсан юм.

     Мөн аймгийн Засаг даргын 2017 оны А/280 дугаар захирамжаар батлагдсан “Бодлогын баримт бичгийн хэрэгжилт, захиргааны байгууллагын үйл ажиллагаанд хяналт-шинжилгээ, үнэлгээ хийх журам”-ын дагуу сумын Засаг дарга, агентлагийн дарга нарын 2017 оны гэрээний биелэлт, сум, байгууллагын 2017 оны үйл ажиллагаанд үнэлэлт өгч байр эзлүүлсэн юм. Агентлагуудаас Хүнс, хөдөө аж ахуйн газар, Стандарт хэмжилзүйн хэлтэс, Улсын бүртгэлийн хэлтэс тус тус эхний гурван байрт шалгарлаа. Сумдаас Хутаг-Өндөр, Сэлэнгэ, Булган сумд тус тус эхний гурван байрт шалгарч, өргөмжлөл, мөнгөн шагналаар шагнууллаа.

ШАДАР САЙДААР АХЛУУЛСАН АЖЛЫН ХЭСЭГ БУЛГАН АЙМАГТ АЖИЛЛАЛАА

  • .

  • 2018-02-06

  • 50

Монгол улсын Засгийн газрын гишүүн, Шадар сайд, Улсын онцгой комиссын дарга Ө.Энхтүвшингээр ахлуулсан шуурхай бүлэг Булган аймгийн өвөлжилтийн байдал, цаг үе, нийгмийн байдалтай танилцлаа. Тус ажлын хэсэг аймгийн Онцгой комиссын гишүүдтэй хуралдаж, цаг үеийн болон өвөлжилтийн талаар анхаарах зүйл, зөвлөгөө зөвлөмжийг өгч ажиллалаа. Булган аймагт улсын нөөцөөс 500 тонн өвч, 400 тонн тэжээл, мал эмнэлгийн ариутгалын ДУК машин олголоо. Мөн Монгол Улсын Засгийн газар, Хүнс, хөдөө аж ахуй, хөнгөн үйлдвэрийн яамнаас хэрэгжүүлж буй “ӨВӨЛ ХАВРЫГ ӨНТЭЙ ДАВЪЯ” арга хэмжээний хүрээнд 204.9 тонн хивэг, 15 тонн хорголжин тэжээлийг Баян-Агт, Баяннуур, Бугат, Булган, Гурванбулаг, Бүрэгхангай, Орхон, Сайхан, Хангал, Хишиг-Өндөр, Хутаг-Өндөр сумдын малчдад хүргэлээ.

МОНГОЛ БАНКНЫ МЭДЭЭЛЭЛ

  • .

  • 2018-02-02

  • 43

"АХА" тэмцээний ялагчид тодорлоо

  • .

  • 2018-01-22

  • 72

Булган аймгийн түүхт 80 жилийн ой, ТВ-9 телевизийн 15 жилийн ойн хамтын ажиллагааны хүрээнд “АХА” танин мэдэхүйн цэнгээнт тэмцээнийг зохион байгууллаа. Тус тэмцээнд нийтдээ ахмад настан, иргэд, төрийн албан хаагчид нийлсэн 100 гаруй хүн мэдлэг чадвараа сорин өрсөлдсөнөөс аймгийн Гэр бүл, хүүхэд, залуучуудын хөгжлийн газрын нийгмийн ажилтан Б.Лхаеийлам түрүүлж, мөн газрын ахлах мэргэжилтэн Д.Дэлгэрмөрөн хоёрдугаар байр, Ш.Е.Щетенкиний нэрэмжит нэгдүгээр сургуулийн багш Д.Цэрэндэлгэр гуравдугаар байр, Аудитын газрын аудитор  Д.Даариймаа, Музейн ажилтан Р.Болд нар шагналт байранд тус тус орлоо. Тэмцээний шагналт байруудын гарын бэлгийг Булган аймгийн бренд бүтээгдэхүүн цай үйлдвэрлэгч “Тунамал өгөөж” ХХК, үйлдвэр үйлчилгээний “Булган-Анар” ХХК нар ивээн тэтгэлээ. 

Сумдын Иргэдийн Төлөөлөгчдийн хурлын нарийн бичгийн дарга болон ажлын албаны ажилтны сургалт боллоо

  • .

  • 2018-01-16

  • 345

Аймгийн Иргэдийн Төлөөлөгчдийн хурлаас зохион байгуулж байгаа чадавхижуулах сургалтад сумдын Иргэдийн Төлөөлөгчдийн хурлын нарийндэлгэрэнгүй . .

Ардын Их хурлын депутат асан П.Дамбад хүндэтгэл үзүүллээ

  • .

  • 2018-01-16

  • 74

Монголчууд нэн шинэ түүхэндээ дөрвөн удаа Үндсэн хууль баталсан байдаг. 1992 оны 01 сарын 13-нд баталсан шинэ Үндсэн хууль нь манай орны нийт хүн амыг анги, давхраа, үзэл бодлоор ялгаварлаагүй, нийтлэг ашиг сонирхлыг нь хамгаалж, хүн төрөлхтний хөгжлийн жам ёсыг баримтлан илэрхийлснээрээ ардчилсан маягийн хууль болжээ. Шинэ үндсэн хуулиар хүний эрх, эрх чөлөөний суурь зарчмуудыг дээдлэн тунхаглаж, наад зах нь нийгмийн өмчөөс хувийн өмчийн харилцаанд шилжихээс өгсүүлээд, үг хэлэх, үзэл бодлоо чөлөөтэй илэрхийлэх эрхээр бүрэн хангагджээ. Тус хуулийг Ардын их хурлын 400 гаруй депутат гар бие оролцон, 76 өдөр хуралдаж байж баталсан гэдэг. Мөн Үндсэн хуулийг батлалцах хэлэлцүүлэгт нийт 1,2 сая иргэний 75 орчим хувь нь оролцон, 200 мянга гаруй  санал ирүүлж байжээ. Булган аймгаас 16 депутат нутаг орноо төлөөлөн Үндсэн хуулиа батлалцсан бөгөөд Ардын Их хурлын депутат асан П.Дамбад 2018 оны 01 сарын 15-ны өдөр аймгийн Иргэдийн Төлөөлөгчдийн хурлын дарга М.Оюунбат хүндэтгэл үзүүллээ. П.Дамба нь түргэн тусламжийн жолооч, механик, сум, агентлагийн дарга, аймгийн Засаг даргын орлогч зэрэг албан тушаалыг 40 гаруй жил хашсан бөгөөд аймаг, сумын Иргэдийн Төлөөлөгчдийн хурлын төлөөлөгчөөр олон удаа сонгогдож байсан юм. 

ХАСХОМ-ийг шинэчлэн гаргах сургалтыг зохион байгууллаа

  • .

  • 2018-01-16

  • 152

Авлигатай тэмцэх газраас өнөөдөр /2018.01.16/ аймгийн Засаг даргын Тамгын газрын Чин ван Ханддоржийн танхимд Хувийн ашиг сонирхлын мэдүүлэг болон хөрөнгө орлогын мэдүүлгийг /ХАСХОМ/ шинэчлэн гаргах сургалтыг зохион байгууллаа.дэлгэрэнгүй . .

Удирдах ажилтны ээлжит шуурхай хурал боллоо

  • .

  • 2018-01-16

  • 554

       Өнөөдөр /2018.01.15/ аймгийн Засаг даргын Тамгын газарт Удирдах ажилтны ээлжит хурал 14:00 цагт боллоо. Хурлаар мал аж ахуйн өвөлжилт болон Рашаант суманд илэрсэн малын гоц халдварт шүлхий өвчний талаар ХХААГ-ын дарга Ч.Амгалан, Булган сумындэлгэрэнгүй . .

Үйлдвэр үйлчилгээний “Шилдэг ажилтан” Д.Баттөр шагналаа гардан авлаа

  • .

  • 2018-01-16

  • 50

Булган аймаг 2018 оны босгон дээр 2017 оны салбар, салбарын шилдэг ажилтнуудаа шалгаруулсан билээ. Үйлдвэр үйлчилгээний салбарын “Шилдэг ажилтан”-аар Баатарван амралт, сувиллын захирал Дашбалжирын Баттөр шалгарсан юм. Тэрээр шагнал гардуулах ёслолын үйл ажиллагаанд хүндэтгэх шалтгааны улмаас ирж амжаагүй ч өнөөдөр /2018.01.15/ аймгийн Засаг даргаас шагналаа өөрийн биеэр ирж, гардан авлаа. Д.Баттөр нь 2015 онд Гуртын гүүрний зүүн талд хогийн жалга байсан газрыг цэвэрлэн, 136 ортой сувиллын байрыг ашиглалтад оруулж байжээ. 2017 онд гэр бүлийн сувиллын байрыг караоке, ресторан, усан бассейн, хүүхдийн тоглоомын өрөө, шатрын өрөөтэй болгон өргөжүүлж, амрагчдын ая тухыг хангасан байна. Баатарван сувилал нь ээлжиндээ 180 хүн хүлээн авах чадалтай, уламжлалт нөхөн сэргээх, гоо сайхан зэргийг мэргэжлийн эмч , эмнэлгийн мэргэжилтнүүдээс бүрдсэн найрсаг хамт олонтой юм. Орон нутгийн 70 гаруй иргэдийг ажлын байраар ханган ажиллаж байна.

"ЦОДГОР ХҮҮ-2018" ТЭМЦЭЭН БОЛЛОО

  • .

  • 2018-01-15

  • 22

Аймгийн Засаг даргын ивээл дор жил бүр уламжлал болон зохион байгуулагддаг “Цодгор хүү-2018” өсвөрийн шатарчдын тэмцээн болж өнгөрлөө. Тэмцээнд 12 сумын 15 багийн 100 гаруй хүүхэд өрсөлдөж, аваргуудаа шалгаруулсан юм. Хүүхэд багачуудын дунд шатрын спортыг сурталчлан дэлгэрүүлэх, сэтгэн бодох, ур чадвар, авьяас билгийг нээн хөгжүүлэх зорилготой тус тэмцээнд нас насандаа түрүүлсэн хүүхдүүд 1-р сарын 24-26 ны өдрүүдэд Улаанбаатар хотод болох "Цодгор хүү-2018" Улсын уралдаанд оролцох эрхээ гардан авлаа.

5 хүртэлх насны эмэгтэй төрөлд:
1-р байр Э.Мишээл Хутаг-өндөр
2-р байр Х.Энхжин Булган 
3-р байр Н.Анар-эрдэнэ 1-12жил
5 хүртэлх насны эрэгтэй төрөлд:
1-р байр Ш.Лувсандаш Хутаг-өндөр
2-р байр Э.Баасандорж 2-р цэцэрлэг
3-р байр Д.Анар-эрдэнэ 3-р цэцэрлэг
7 хүртэлх насны эмэгтэй төрөлд:
1-р байр Н.Энхриймаа Хутаг-өндөр
2-р байр П.Номингэрэл ЭӨЦС
3-р байр Г.Ганжаргал Сэлэнгэ
7 хүртэлх насны эрэгтэй төрөлд:
1-р байр Б.Тэмүүлэн Хутаг-өндөр
2-р байр Б.Тэргэл Хишиг-өндөр
3-р байр Ж.Бямбабаяр ЭӨЦС
9 хүртэлх насны эмэгтэй төрөлд:
1-р байр Б.Энхриймаа ЭӨЦС
2-р байр М.Энхсаран Хишиг-өндөр
3-р байр У.Арьяа 1-12жил
9 хүртэлх насны эрэгтэй төрөлд:
1-р байр Д.Азжаргал Тэшиг
2-р байр А.Жавхлантөгөлдөр Хутаг-өндөр
3-р байр Ч.Саруултөгөлдөр Сайхан
11 хүртэлх насны эмэгтэй төрөлд:
1-р байр Л.Доржмаа ЭӨЦС
2-р байр Э.Бадмаа Бүрэгхангай
3-р байр Б.Мөнхчимэг Тэшиг
11 хүртэлх насны эрэгтэй төрөлд:
1-р байр Б.Гүнгэрэл Сайхан
2-р байр Д.Баттогтох Сэлэнгэ
3-р байр Б.Дөлгөөн ЭӨЦС - тус тус эзэллээ.

НҮҮДЛИЙН ТАМГЫН ГАЗАР СУМДАД АЖИЛЛААД ИРЛЭЭ

  • .

  • 2018-01-15

  • 146

Идэр есийн жавар тачигнасан 2018.01.09-12-ны өдрүүдэд Булган аймгийн Засаг дарга З.Батзоригоор ахлуулсан ажлын хэсэг Баяннуур, Дашинчилэн, Рашаант сумдад “Нүүдлийн тамгын газар” ажиллууллаа. Тус ажлын хэсэг Засаг даргын зөвлөх О.Гантулга тэргүүтэй хэлтэс, агентлагийн дарга, мэргэжилтнүүд оролцсон 20 гаруй хүний бүрэлдэхүүнтэй ажилласан юм. "Нүүдлийн тамгын газар"-ын ажлын хүрээнд аймгийн Засаг даргын үйл ажиллагааны “Хөгжлийн хөтөч” хөтөлбөрийн хүрээнд хийгдсэн ажлын тайлан, аймаг байгуулагдсаны түүхт 80 жилийн ойн бүтээн байгуулалтын ажлуудын танилцуулга, УИХ-ын гишүүн, Зам тээврийн хөгжлийн сайд Ж.Бат-Эрдэнийн санаачилсан “Шинэ хөдөө” төслийн талаарх мэдээ мэдээллүүдийг тайлагнан, иргэд, олон нийтийн санаа бодлыг сонсож, харилцан ярилцлаа. Агентлагийн дарга нар суманд үйл ажиллагаа явуулж буй төр, төсвийн байгууллагуудын үйл ажиллагаатай танилцаж, зөвлөн тусалж, хамтран ажилласан. Ажлын хэсэг дараах чиглэлээр голчлон үйл ажиллагаа явууллаа. Үүнд: 

-Мал, аж ахуйн өвөлжилтийн нөхцөл байдалтай танилцлаа
-Малчдад цаг үеийн байдлын талаар мэдээлэл өгч, санал авлаа
-Сумын удирдлага, штаб, онцгой комиссын үйл ажиллагаа, зудын гамшгийн бэлэн байдлын төлөвлөгөө, зудыг хохирол багатай даван туулах чиглэлээр урьдчилан авсан арга хэмжээтэй танилцаж үүрэг чиглэл өглөө
-Малын шилжилт хөдөлгөөнөөс шалтгаалан малын гоц халдварт болон халдварт өвчний голомт шинээр үүсэх, голомтын бүс хязгаар тэлж болзошгүй байдал, түүнээс урьдчилан сэргийлэх чиглэлээр авсан арга хэмжээ,
-Сум, багийн фондод бэлтгэсэн өвс, тэжээлийн бүрдүүлэлт, зарцуулалтад хяналт үнэлгээ хийж, цаашид авах арга хэмжээг төлөвлөлөө

Рашаант суманд малын гоц халдварт шүлхий өвчин гарлаа

  • .

  • 2018-01-15

  • 139

Булган аймгийн Рашаант сумын 2 ба 3-р багийн нутаг буюу сумын төвд малын гоц халдварт шүлхий өвчин илэрчээ. Рашаант сумын Засаг даргын 2018 оны 01 сарын 11-ны өдрийн А/05 хорио цээрийн дэглэм тогтоох тухай захирамжаар сумын хэмжээний бүхий л хөдөлгөөнийг хориглосон байна. Өнөөдрийн байдлаар /2018.01.15/ 13 өрхийн 81 үхэр тус өвчнөөр халдварлажээ. Аймгийн Онцгой байдлын газраас 7 албан хаагч, хоёр автомашинтай очиж, ариутгал, халдваргүйжүүлэлт хийж байна. Орхон, Хишиг-Өндөр сумаас тус бүр гурван дүйцүүлэх цэргийн албан хаагч, Рашаант сумаас 4 иргэн, аймгийн Нэгдсэн эмнэлэг, Музейгээс тус бүр нэг пургон автомашиныг дайчлан тус өвчний голомтод ажиллаж байна. Шүлхий өвчний дэгдэлтийг зогстол хорио цээр үргэлжилнэ хэмээн аймгийн Онцгой байдлын газраас бидэнд мэдээллээ.

Хуудас:  1   2   3   4   5  .... (нийт 227 мэдээ )

БУЛГАН АЙМГИЙН 2017 оны ОНЦЛОХ ҮЙЛ ЯВДАЛ

БУЛГАНЫХАН УУЛЗАЛТ