Мэдээ

Аймгийн Баяр наадам 07-р сарын 11,12-ны өдөр боллоо.

  • .

  • 2020-07-12

  • 161

Аймгийн баяр наадмын хүчит бөхийн барилдаанд төрсөн ах дүү үзүүр түрүүнд шалгарлаа.

Ардын хувьсгалын 99 жил, Булган аймаг үүсэн байгуулагдсаны 82 жил, аймгийн баяр наадмын хүчит бөхийн барилдаанд Сайхан сумын харьяат аймгийн начин Н.Намнансүрэн түрүүлж аймгийн арслан, төрсөн дүү Н.Намнан-Эрдэнэ үзүүрлэж аймгийн заан цол хүртлээ. Өнөө жилийн баяр наадамд улсын харцага Ж.Бор, улсын өсөх идэр начин И.Ёндонсамбуу, Ц.Цогтжаргал, улсын начин С.Дэлгэрбат тэргүүтэй аймгийн цолтой 28, сумын цолтой 32 нийт 128 бөх барилдсан. Аймгийн түүхэнд төрсөн ах, дүү нар үзүүр түрүүнд үлдсэн 2 дахь тохиолдол ийнхүү тохиосон нь наадамчин олны сэтгэлийг огшоосон юм. 2001 онд монгол улсын гарьд И.Доржсамбуу, улсын өсөх идэр начин И.Ёндонсамбуу нар үзүүр түрүүнд үлдэж байжээ.

Уясан эзэн, унасан хүүхэд, наадамчин олноо баясган айраг түрүүнд хурдалсан хурдан хүлгүүддээ шагнал гардууллаа.

Булган аймгийн баяр наадмын хурдан Азарганы уралдааны:

Түрүү магнайд: Булган аймгийн Могод сумын Аймгийн алдарт уяач Н.Дэлгэрсайханы Халтар

Аман хүзүүнд: Булган аймгийн Баяннуур сумын Аймгийн алдарт уяач П.Отгонбаярын Хээр

Айргийн гуравт: Булган аймгийн Хутаг-Өндөр сумын Сумын алдарт уяач Л.Шагдарын Хээр

Айргийн дөрөвт: Төв аймгийн Заавар сумын Аймгийн алдарт уяач  Э.Бямбасүхийн Буурал

Айргийн тавд: Дорнод аймгийн Баян-Уул сумын Б.Эрдэнэбулганы Бор,

Их насны морьдын уралдааны:

Түрүү магнайд: Булган аймгийн Баяннуур сумын Аймгийн алдарт уяач Содномын Бор,

Аман хүзүүнд: Булган аймгийн Орхон сумын уяач Н.Нарангэрэлийн Бор,

Айргийн гуравт: Булган аймгийн Гурванбулаг сумын Сумын алдарт уяач Ж.Равданцэрэнгийн Хар,

Айргийн дөрөвт: Төв аймгийн Лүн сумын уяач Б.Батжаргалын Сартай хонгор,

Айргийн тавд: Булган аймгийн Тэшиг сумын уяач Б.Одбаярын Хүрэн халзан,

Соёолон насны морьдын уралдааны:

Түрүүн магнайд: Булган аймгийн Баян-Агт сумын алдарт уяач Н.Чинбатын Янзага буурал,

Аман хүзүүнд: Булган аймгийн Баян-Агт сумын Аймгийн алдарт уяач Н.Жаргалсайханы хХалтар,

Айргийн гуравт:Булган аймгийн Баян-Агт сумын Аймгийн алдарт уяач Н.Уламбаярын хээр,

Айргийн дөрөвт:Булган аймгийн Сэлэнгэ сумын алдарт уяач Б.Отгонбаярын Хээр,

Айргийн тавд:Булган аймгийн Дашинчилэн сумын уяач  Б.Амархүүгийн Халтар,

Хязаалан насны морьдын уралдаанд:

Түрүүн магнайд: Булган аймгийн Баян-Агт сумын Аймгийн алдарт уяач Г.Зоригтбаатарын Халиун,

Аман хүзүүнд: Булган аймгийн Хутаг-Өндөр сумын уяач Б.Батмөнхийн Гоё хээр,

Айргийн гуравт:Булган аймгийн Булган сумын уяач Т.Баттөмөрийн Хурандаа шарга,

Айргийн дөрөвт:Булган аймгийн Булган сумын  уяач М.Эрдэнэбатын Хээр,

Айргийн тавд:Булган аймгийн Баяннуур сумын Аймгийн алдарт уяач  Ч.Содномын Хээр

Шүдлэн насны морьдын уралдааны:

Түрүү магнайд: Булган аймгийн Сэлэнгэ сумын Сумын алдарт уяач Б.Отгонбаярын хүрэн,

Аман хүзүүнд: Төв аймгийн Заамар сумын Аймгийн алдарт уяач Э.Бямбасүхийн Хул,

Айргийн гуравт: Булган аймгийн Хутаг-Өндөр сумын уяач Д.Наранболдын Хээр,

Айргийн дөрөвт: Булган аймгийн Баяннуур сумын Аймгийн алдарт уяач Ч.Содномын Хул,

Айргийн тавд: Булган аймгийн Хутаг-Өндөр сумын уяач Ш.Даваажамцын Хээр,

Дааган насны морьдын уралдаан:

Түрүү магнайд: Булган аймгийн Сайхан сумын уяач Б.Гүндсамбуугийн буурал,

Аман хүзүүнд:Төв аймгийн Заамар сумын Аймгийн алдарт уяач О.Бямбасүхийн Хүрэн халзан,

Айргийн гуравт: Булган аймгийн Баяннуур сумын Аймгийн алдарт уяач Ч.Содномын Халтар,

Айргийн дөрөвт: Булган аймгийн Баяннуур сумын Аймгийн алдарт уяач Ч.Содномын Цоохор,

Айргийн тавд: Булган аймгийн Сэлэнгэ сумын алдарт уяач Б.Отгонбаярын Хээр тус тус түрүүлж айрагдлаа.

Аймгийн баяр наадмын сурын харвааны төрөлд 24 харваач цэц мэргэнээ сорилоо. Эрэгтэй төрөлд 14 харваач оролцсоноос:

Өмнөговь аймгийн Номгон сумын уугуул Орхон аймгийн “Хангарьд” спорт клубийн харваач спортын мастер, аймгийн гарамгай харваач Ганболдын Содбилэг 34 оноогоор тэргүүн байр “Аймгийн мэргэн харваач” цол, Булган аймгийн Булган сумын харьяат спортын мастер, аймгийн гарамгай харваач Мягмарын Лхагвасүрэн 31 оноогоор дэд байр, Булган аймгийн Тэшиг сумын уугуул Булган аймгийн “ШШГГ”-ын харваач Батжүгдэрийн Мөнх-Эрдэнэ 29 оноогоор гутгаар байр, Булган аймаг Баян-Агт сумын харваач Агваанданзангийн Отгонбаяр 28 оноогоор 4-р байр, Булган аймаг Бүрэгхангай сумын харьяат “Шижир алт” компанийн залуу харваач Ганбатын Гантөмөр 25 оноогоор 5-р байр эзэллээ.

Эмэгтэй  төрөлд  10 харваач оролцсоноос:

Увс аймаг Баруунтуруун сумын уугуул Орхон аймгийн Хангарьд спорт клубийн харваач спортын дэд мастер Пүрэвээгийн Лхамаасүрэн 32 оноогоор тэргүүлж, “Аймгийн мэргэн харваач” цол,  Булган аймгийн Булган сумын харьяат Өлзийбүрэн сурын холбоо залуу харваач Хаан банкны ажилтан Мөнхбатын Мөнхзул 22 оноогоор “Аймгийн гарамгай харваач” цол, Булган аймаг Булган сумын харьяат Өлзийбүрэн сурын холбоо, Аймгийн Төв номын сангийн харваач Аймгийн мэргэн Түвдэндоржийн Мөнгөнтуяа 19 оноогоор гутгаар байр, Төв аймаг Алтанбулаг сумын уугуул, Булган аймгийн Баян-Агт сумын харваач сумын мэргэн Хандын Номин-Эрдэнэ 16 оноогоор  4-р байр, Булган аймаг Могод сумын харьяат Хишигдүүрэнгийн Гэрэлтуяа 16 оноогоор 5-р байр эзэллээ.

Бөх нь хүчтэй, морь нь хурдан, сум нь мэргэн байг.

 

ТӨРИЙН АЛБАНЫ ЗӨВЛӨЛИЙН АЖЛЫН ХЭСЭГ БУЛГАН АЙМАГТ АЖИЛЛАЛАА

  • .

  • 2020-06-30

  • 229

ТӨРИЙН АЛБАНЫ ЗӨВЛӨЛИЙН АЖЛЫН ХЭСЭГ БУЛГАН АЙМАГТ АЖИЛЛАЛАА

Улс орны хэмжээнд онцгой нөхцөл байдал үүсэж, Монгол Улсын Засгийн Газрын шийдвэрээр өндөржүүлсэн  бэлэн байдлын зэрэгт шилжүүлсэн хугацаанд төрийн албаны үйл ажиллагааг хэвийн, тасралтгүй хангаж, төрийн үйлчилгээг иргэдэд шуурхай хүргэж буй байдалтай танилцах, арга зүйн зөвлөгөө дэмжлэг үзүүлэх, Төрийн албаны тухай хуулийн хэрэгжилт, шинэтгэлийн үед хийгдэж буй үйл ажиллагааг таниулах, санал авах, хэлэлцүүлэг зохион байгуулах ажлыг НҮБ-ын Хөгжлийн хөтөлбөртэй хамтран хэрэгжүүлж байгаа “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн дэмжлэгтэйгээр орон нутагт зохион байгуулж байгаа юм байна. 

Булган аймагт ажилласан ажлын хэсгийн бүрэлдэхүүнийгТөрийн албаны зөвлөлийн гишүүн Д.Зүмбэрэллхам ахалж, Төрийн албаны зөвлөлийн Сургалт судалгаа, мэдээллийн нэгдсэн сангийн газрын даргын албан үүргийг түр орлон гүйцэтгэгч, референт Б.Оюуннасан, Сонгон шалгаруулалтын газрын референт М.Алтанбагана, НҮБ-ын “Монгол Улсад мэргэжлийн, иргэн төвтэй төрийн албыг  төлөвшүүлэх нь” төслийн бодлогын инноваци, стратегийн удирдлагын зөвлөх З.Цолмонбаяр, Төрийн албаны зөвлөлийн Сургалт судалгаа, мэдээллийн нэгдсэн сангийн газрын ажилтан Б.Алтанзул нар хүрэлцэн ирж, ажиллав.

 Тус ажлын хэсэг орон нутгийн удирдлагуудтай уулзан, өндөржүүлсэн бэлэн байдлын үед ажиллаж байгаа төрийн байгууллагуудын үйл ажиллагаатай танилцаж, зөвлөгөө мэдээллээр хангалаа. Мөн салбар зөвлөлийн бүрэлдэхүүн болон  Булган аймгийн 16 сум 1 тосгоны,  Засаг даргын Тамгын газрын дарга нартай цахим уулзалт зохион байгуулж, санал хүсэлттэй танилцан, зөвлөгөө өгөв.

 Төрийн албаны тухай хууль тогтоомжийн хэрэгжилтийн талаар зарим хяналт шалгалтыг хийж, хэлэлцүүлэг зохион байгууллаа.

 

 

ЦАГДААГИЙН ГАЗАР ПАРК ШИНЭЧЛЭЛ ХИЙГДЛЭЭ

  • .

  • 2020-05-28

  • 290

Аймгийн Засаг даргын “Хөгжлийн хөтөч” хөтөлбөрийн 5 дугаар зорилт, Цагдаагийн албаны тухай хуулийн 65 дугаар зүйл, 94 дүгээр зүйлийн хэрэгжилтийг хангах ажлын хүрээнд Хүрээлэн буй орчны эсрэг гэмт хэрэг тэмцэх, урьчдилан сэргийлэх чиглэлээр ажиллаж буй Экологийн цагдаагийн албаны үйл ажиллагааг дэмжиж Байгаль хамгаалах сангаас 40,000.000 төгрөг шийдвэрлэн тусгай тоноглолын 2 автомашиныг Цагдаагийн газарт гардуулан өглөө.
Цагдаагийн алба хаагчдын албаны унаажуулалтанд парк шинэчлэл хийгдсэнээр Цагдаагийн байгууллагын ажил, үйлчилгээг иргэдэд шуурхай хүргэх, гэмт хэрэгтэй тэмцэх, таслан зогсоох, урьдчилан сэргийлэх ажилд ахиц гарах ач холбогдолтой юм.
Уг арга хэмжээнд аймгийн Засаг даргын орлогч Ц.Бат-Өлзий, аймгийн ИТХ-ын Нарийн бичгийн дарга Д.Батчулуун, Хууль эрх зүйн хэлтсийн дарга Б.Одхүү, Цагдаагийн газрын дарга, цагдаагийн хурандаа Н.Батбаяр, цагдаагийн алба хаагчдын төлөөлөл оролцлоо.

“Эрх зүйн шилдэг баг” шалгаруулна

  • .

  • 2020-05-12

  • 401

 Булган аймгийн Гэмт хэргээс урьдчилан сэргийлэх ажлыг зохицуулах зөвлөл, аймгийн Засаг даргын Тамгын газрын хууль, эрх зүйн хэлтэс хамтран “Эрх зүйн шилдэг баг” шалгаруулах уралдааныг энэ оны 12 дугаар сар хүртэл зарлалаа.

Иргэдийн эрх зүйн боловсролын эрэлт хэрэгцээг хангахуйц мэдээ, мэдлэгийг цахим болон бусад байдлаар нээлттэй, хүртээмжтэй, энгийн хялбар хэлбэрээр хүргэх, эрх зүйн хөтөч нарын үйл ажиллагааг идэвхжүүлэх зорилгоор энэ уралдааныг зарласан бөгөөд бүх сумын эрх зүйн баг, эрх зүйн хөтөч нар оролцох юм. Эрх зүйн хөтчөөр сумын ИТХ-ын ажилтан, Засаг даргын Тамгын газрын төрийн захиргааны асуудал хариуцсан мэргэжилтэн, нийгмийн ажилтан, багийн иргэдийн Нийтийн хурлын дарга нар ажилладаг байна.

-Сумын вэб сайт ажиллуулан хууль, эрх зүйн сурталчилгаа, зөвлөгөө өгөх, хүүхдийн нас, сэтгэхүйн онцлогт тохирсон эрх зүйн мэдээлэл болон аливаа эрсдэлээс урьдчилан сэргийлэх сургалт сурталчилгаа, богино хэмжээний кино, сонин, сэтгүүл, гарын авлага, контент зэргийг бэлтгэн сургалтад ашигласан байдлыг уралдааны шалгуур үзүүлэлтэд орууллаа. Мөн сумын төвөөс алс нутагладаг малчин, хараа, сонсголын бэрхшээлтэй иргэн, өндөр настан, хүүхдэд чиглэсэн сургалтыг цаг үеийн нөхцөл байдалд тохируулан хийх, олон нийтэд чиглэсэн шинэлэг ажил санаачлан хэрэгжүүлсэн байх шалгуур үзүүлэлт гаргалаа гэж аймгийн Гэмт хэргээс урьдчилан сэргийлэх ажлыг зохицуулах зөвлөлийн нарийн бичгийн дарга Д.Алтаншагай ярилаа.

Сумын эрх зүйн багаас зохион байгуулсан ажлыг дүгнэн шилдэг таван багийг шалгаруулан 200-800,0 мянган төгрөгөөр урамшуулахаар шийдвэрлэжээ.

Жижиг, дунд үйлдвэрийг хөгжүүлэх сангийн хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлөх, хяналт тавих журам шинэчлэгдсэн тул аймгийн Дэд хорооны бүрэлдэхүүнд орох төрийн бус байгууллагын төлөөллийг сонгох сонгон шалгаруулалтад урьж байна.

  • .

  • 2020-05-06

  • 172

Бүрдүүлэх материал:
1. Тухайн байгууллага нь ЖДҮЭ-ийн эрх ашгийг хамгаалах чиглэлээр сүүлийн 3 жил үйл ажиллагаа явуулсан байх
2. Шалгаруулалтад оруулахаар томилож байгаа төлөөлөгч нь эдийн засаг, санхүү, бизнес, инженер, эрх зүйн чиглэлээр магистр, түүнээс дээш боловсролтой байх
3. ЖДҮСалбарт ажиллаж байсан эсвэл тухайн чиглэлээр судалгаа, шинжилгээний ажлын туршлагатай байх
4. Сүүлийн 3 жилд Төрийн албаны хуулийн 11 дүгээр зүйлд заасан албан тушаал хашиж байгаагүй байх
5. ЖДҮХСантай бизнесийн холбоогүй байх
6. Зээл батлан даалт, баталгааны гэрээгээр хүлээсэн хугацаа хэтэрсэн өр төлбөргүй байх
7. Шүүх, эрх бүхий байгууллагын шийдвэрээр бусдад төлөх төлбөргүй байх зэрэг болно.
Дээрхи шаардлагыг хангасан төлөөлөгчийн материалыг 2020 оны 05 дугаар сарын 10-ны дотор ХХААГ-ын ЖДҮ, хоршоо, ахуйн үйлчилгээний асуудал хариуцсан мэргэжилтэнд 12 цагаас өмнө хүлээн авна. Лавлах утас 92030399

Төрийн бус байгууллагын төлөөллийг сонгох сонгон шалгаруулалтад урьж байна

  • .

  • 2020-05-04

  • 210

Жижиг, дунд үйлдвэрийг хөгжүүлэх сангийн хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлөх, хяналт тавих журам шинэчлэгдсэн тул аймгийн Дэд хорооны бүрэлдэхүүнд орох төрийн бус байгууллагын төлөөллийг сонгох сонгон шалгаруулалтад урьж байна.

Бүрдүүлэх материал:
1. Тухайн байгууллага нь ЖДҮЭ-ийн эрх ашгийг хамгаалах чиглэлээр сүүлийн 3 жил үйл ажиллагаа явуулсан байх
2. Шалгаруулалтад оруулахаар томилож байгаа төлөөлөгч нь эдийн засаг, санхүү, бизнес, инженер, эрх зүйн чиглэлээр магистр, түүнээс дээш боловсролтой байх
3. ЖДҮСалбарт ажиллаж байсан эсвэл тухайн чиглэлээр судалгаа, шинжилгээний ажлын туршлагатай байх
4. Сүүлийн 3 жилд Төрийн албаны хуулийн 11 дүгээр зүйлд заасан албан тушаал хашиж байгаагүй байх
5. ЖДҮХСантай бизнесийн холбоогүй байх
6. Зээл батлан даалт, баталгааны гэрээгээр хүлээсэн хугацаа хэтэрсэн өр төлбөргүй байх
7. Шүүх, эрх бүхий байгууллагын шийдвэрээр бусдад төлөх төлбөргүй байх зэрэг болно.
Дээрхи шаардлагыг хангасан төлөөлөгчийн материалыг 2020 оны 05 дугаар сарын 10-ны дотор ХХААГ-ын ЖДҮ, хоршоо, ахуйн үйлчилгээний асуудал хариуцсан мэргэжилтэнд 12 цагаас өмнө хүлээн авна. Лавлах утас 92030399

Сайхан сумын Эрүүл мэндийн төвд 30 сая төгрөгийн өртөг бүхий тоног төхөөрөмж гардууллаа

  • .

  • 2020-05-04

  • 638

Сайхан сумын Эрүүл мэндийн төвд 30 сая төгрөгийн өртөг бүхий уламжлалт, сэргээн засах эмчилгээ, биеийн тамир дасгал хөдөлгөөний 13 төрлийн тоног төхөөрөмж гардууллаа. Үүнд: Инфра улаан гэрэл, төөнүүр, түрүү булчирхайн эмчилгээний аппарат, поток, булчингийн сэргээн засах аппарат, физик эмчилгээний аппарат, татлагын ор, хаш чулуун ор, хоолойн шарлагын аппарат, хөлний массажны аппарат, цахилгаан зүү, цахилгаан бумба, эмчилгээний биеийн тамир дасгалын иж бүрдэл зэрэг тоног төхөөрөмжүүд багтаж байна.

Эрүүл мэндийн салбарт 2017-2019 онд хийгдсэн томоохон хөрөнгө оруулалтууд

  • .

  • 2020-05-04

  • 403

Эрүүл мэндийн салбарт 2017-2019 онд хийгдсэн томоохон хөрөнгө оруулалтуудыг багцалж үзэхэд ийм байна. Бид "Хөгжлийн хөтөч" үйл ажиллагааны хөтөлбөртөө 7 сумын ЭМТ-ийг шинэ автомашинтай болгоно гэсэн заалтаа 27 болгон биелүүлжээ. Нэгдсэн эмнэлэг гэлтгүй сум, багийн эмнэлгүүдээ шинэчлэн засварлаж, иргэдээ тав тухтай үйлчлүүлэх нөхцөл боломжийг бүрдүүлэхийг зорьсон юм. Орон нутгийн төсвөөс жил бүр 1 тэрбум төгрөгийг эрүүл мэндийн салбарын ажилтнуудынхаа нийгмийн баталгаа, тоног төхөөрөмжийн шинэчлэлд зарцуулах шийдвэрийг аймгийн ИТХ-аар батлуулсан гээд ололт, амжилт багагүй гарчээ.

Боловсрол, соёл, спортын салбарын хөрөнгө оруулалт 2016-2020

  • .

  • 2020-04-21

  • 179

Сүүлийн 3 жилд боловсролын салбарын хүртээмжийг сургуульд 1940 суудал, дотуур байранд 350 ор, цэцэрлэгт 570 ороор нэмэгдүүлжээ. Олон жил царцсан барилгуудыг ашиглалтад оруулсан нь энэ салбарын онцлог ажил байлаа. Боловсрол, соёл, спортын салбарын 32 төсөл, арга хэмжээнд улс, орон нутгийн төсөв, төсөл, хөтөлбөрийн санхүүжилтээр 19.5 тэрбум төгрөгийн хөрөнгө оруулалт хийж, 25 төсөл, арга хэмжээ бүрэн хэрэгжээд байна.

Зүүнтүрүү чиглэлийн 1,8 км хатуу хучилттай авто замын барилга угсралтын ажил эхэлж байна.

  • .

  • 2020-04-09

  • 121

Улсын төсвийн 1,6 тэрбум төгрөгийн хөрөнгө оруулалтаар Булган сумын Зүүнтүрүү чиглэлийн 1,8 км хатуу хучилттай авто замын барилга угсралтын ажил эхэлж байна. Гүйцэтгэгч Жи Пи Экспресс Финанс ХХК техник хэрэгслээ татах, карьерийн хөрс хуулалт хийх, гадаслагаа зэрэг бэлтгэл ажлаа эхлүүлээд байна.

Дэлхийн банкны олон улсын хөгжлийн агентлагийн хөнгөлөлттэй зээлээр санхүүжигдэж байгаа ЭРЧИМ ХҮЧНИЙ ТӨСӨЛ-2

  • .

  • 2020-04-08

  • 195

"Эрдэнэт үйлдвэр" төрийн өмчит үйлдвэрийн газартай хамтран ажиллах 2019 оны гэрээг дүгнэж 2020 оны гэрээнд гарын үсэг зурж баталгаажууллаа.

  • .

  • 2020-04-20

Манай аймаг "Эрдэнэт үйлдвэр" төрийн өмчит үйлдвэрийн газартай хамтран ажиллах 2019 оны гэрээг дүгнэж 2020 оны гэрээнд гарын үсэг зурж баталгаажууллаа. Өнгөрсөн оны төлөвлөгөөт ажил 100% амжилттай хэрэгжиж, энэ онд 700 сая төгрөгийн гэрээг байгуулж аймгийн Нэгдсэн эмнэлэгт суурин рентген аппарат, Тэшиг сумын цэцэрлэгийн өргөтгөлд хөрөнгө оруулалт хийхээр боллоо.

Хуудас:  1   2   3   4   5  .... (нийт 291 мэдээ )

Булган 80-н жил