Мэдээ

Түрүүлж айрагдсан морьд

  • .

  • 2019-07-12

  • 46

Ардын хувьсгалын 98 жилийн ой, аймгийн баяр наадмын эхний өдөр азарга, их нас, хязаалан, дааганы уралдаан болж наадамчин олноо баясгалаа. Хурдан морины уралдаанд түрүүлж айрагдсан морьд:
Азарга: 
1. Бүрэгхангай сумын уяач Н.Болдбаатарын Хар, унаач хүүхэд - С.Гансүх 
2. Сайхан сумын уяач Д.Гантулгын Хонгор, унаач хүүхэд – Ё.Амар-Энхлүүн
3. Хутаг-Өндөр сумын Б.Ууганбаярын Хар, уяач – М.Эрхэмбаяр, унаач хүүхэд Г.Мөнгөнчулуун
4. Бүрэгхангай сумын уяач А.Чинбатын Шар халтар, унаач хүүхэд - Б.Дагвадорж 
5. Хишиг-Өндөр сумын уяач Б.Амарсанаагийн Хүрэн, унаач хүүхэд - А.Амьдрал 
Их нас: 
1.Тэшиг сумын Ж.Баярсайханы Бор, уяач - Г.Баясгалан, унаач хүүхэд- Б.Баттогтох 
2.Монгол улсын алдарт уяач Д.Баясгалангийн Хүрэн, унаач хүүхэд - Б.Цэнгэлбаяр
3.Орхон сумын уяач Н.Нарангэрэлийн Бор, унаач хүүхэд - А.Цэндпүрэв 
4.Хутаг-Өндөр сумын уяач Т.Октябрийн Хул, унаач хүүхэд - О.Мандалзаяа
5.Тэшиг сумын уяач Б.Мөнх-Эрдэний Янзган цоохор, унаач хүүхэд - Э.Өсөх-Ирээдүй 
Хязаалан:
1. Хутаг-Өндөр сумын уяач Г.Батмөнхийн Хээр, унаач хүүхэд - н.Ариунбаатар 
2. Хутаг-Өндөр сумын Б.Ууганбаярын Хар, уяач – М.Эрхэмбаяр, унаач хүүхэд Г.Мөнгөнчулуун
3. Хутаг-Өндөр сумын Д.Жаргалсайханы Хүрэн халзан, уяач - Г.Гантулга, унаач хүүхэд- Б.Билгүүн 
4. Баян-Агт сумын уяач Н.Жаргалсайханы Халтар, унаач хүүхэд - Ж.Даваажаргал 
5. Баян-Агт сумын уяач Б.Гялсрайн Тэнгэр саарал, унаач хүүхэд - Э.Доржсамбуу 
Шүдлэн: 
1. Булган сумын уяач П.Отгонбаярын Саарал, унаач хүүхэд – Т.Нарангарав 
2. Хутаг-Өндөр сумын Т.Мөнхдэлгэрийн хээр, уяач – Г.Гантулга, унаач хүүхэд – Б.Билгүүн 
3. Бүрэгхангай сумын уяач Б.Дэндэвдоржийн Хээр халзан, унаач хүүхэд – Ө.Эрхэмбаяр 
4. Баян-Агт сумын уяач П.Отгонтэнгэрийн Дүү хээр, унаач хүүхэд – Н.Төгөлдөр 
5. Баян-Агт сумын Т.Чимэддоржийн Гал халзан, уяач – Н.Чинбат, унаач хүүхэд – Ч.Доржсамбуу

Соёолон:

1. Булган аймаг Хутаг-Өндөр О.Мөнхзаяа Буурал, унаач хүүхэд Б.Мөнгөншагай

2. Булган аймаг Тэшиг сум Г.Ганбаярын Хүрэн, унаач хүүхэд Г.Бадар-Ууган

3. Булган Гурванбулаг Ц.Бат-Эрдэнэ Хогор халзан, унаач хүүхэд Г.Булган-Эрдэнэ

4. Булган Хутаг-Өндөр Б.Ууганбаярын буурал, унаач хүүхэд Г.Мөнгөнчулуун

5. Булган Бүрэгхангай Б.Баярсайханы Сартай хул, унаач хүүхэд Б.Энхсүлд

Даага:

1.Төв аймаг Заамар сум М.Мөнхбаярын Зээрд халзан, унаач хүүхэд Д.Агваанринчин

2. Булган Баян-Агт Ц.Баасандоржийн хүрэн, унаач хүүхэд Н.Бүдрагчаа

3. Булган Хутаг-Өндөр Б.Лхагвадоржийн хонгор, унаач хүүхэд Г.Мөнгөнчулуун

4. Төв аймаг Заамар А.Өлзийбаярын ухаа, унаач хүүхэд М.Хишигбат

5. Булган Тэшиг Ц.Батжаргалын хээр алаг, унаач хүүхэд С.Гантогтох

Д.Галбадрах ахлагчтай баг шагайн харваанд түрүүллээ

  • .

  • 2019-07-12

  • 25

Аймгийн баяр наадмын шагайн харваанд 12 багийн харваачид багийн харваа, цуваа харваа, чавх, чавхны цуваа харваа төрлүүдэд оролцсоноос: Багийн харваанд Д.Галбадрах ахлагчтай Авзага трейд баг тэргүүн байр, Б.Оюунбат ахлагчтай Булган сумын ЗДТГ-ын баг дэд байр, С.Рагчаа ахлагчтай Цагдаагийн газрын баг гутгаар байр Цуваа харваанд Д.Бямбажаргал тэрүүн баяр Г.Ганцогт дэд байр П.Эрдэнэбулган гутгаар байр Чавхны харваанд Р.Ганболд ахлагчтай Зүүн түрүү баг тэргүүн байр Ч.Лхагва ахлагчтай Булган сум баг дэд байр Д.Батчулуун ахлагчтай Хутаг-Өндөр баг гутгаар байр Чавхны цуваа харваанд М.Буянхишиг тэргүүн байр Т.Дамдин дэд байр Ч.Лхагва гутгаар байр тус тус эзэллээ.

Үндэсний сурын харваа

  • .

  • 2019-07-12

  • 14

Тулгар төрийн 2228, Их Монгол Улсын 813, Ардын хувьсгалын 98 жилийн ой, аймгийн баяр наадмын сурын харваанд 54 харваач цэц мэргэнээ сорьж байгаагаас насанд хүрэгчдийн харваанд 37, өсвөрийн харваанд 17 харваач оролцсоноос эрэгтэй төрөлд
Бүрэгхангай сумын уугуул А.Лувсансүрэн тэргүүлж удаах байруудад Булган сумын харьяат М.Лхагвасүрэн /Спортын мастер/, Бүрэгхангай сумын харьяат М.Болд, эмэгтэй төрөлд Булган сумын харьяат Т.Мөнгөнтуяа, Бүрэгхангай сумын харьяат аймгийн мэргэн Б.Цэнгэлмаа, Бүрэгхангай сумын харьяат аймгийн гарамгай мэргэн Д.Саранчимэг нар шалгарсан бол өсвөр үеийн хөвгүүдэд Хишиг-Өндөр сумын идэр мэргэн Б.Өнөболд түрүүлж, Хутаг-Өндөр сумын идэр мэргэн А.Билгүүнтамир удаалж, Бүрэгхангай сумын идэр мэргэн Ш.Амарболд гутгаар байр, охидын төрөлд Хутаг-Өндөр сумын Г.Дөлгөөн тэргүүн байр, Бүрэгхангай сумын Б.Энхжин дэд байр, Могод сумын Ө.Нарангэрэл гутгаар байранд тус тус орж наадамчин олноо баярлууллаа.

Аймгийн Заан П.Даваадорж түрүүллээ

  • .

  • 2019-07-12

  • 50

Ардын хувьсгалын 98 жилийн ой, аймгийн баяр наадмын хүчит бөхийн барилдаанд Булган аймгийн Гурванбулаг сумын харьяат аймгийн Заан П.Даваадорж түрүүлж аймгийн арслан, Хишиг-Өндөр сумын харьяат аймгийн харцага Э.Түвшинтөгс үзүүрлэж аймгийн заан цол хүртлээ. Өнөө жилийн баяр наадамд их шөвгийн 4-т үлдэж аймгийн начин цолоор Орхон сумын харьяат сумын заан Б.Батжаргал, Гурванбулаг сумын харьяат Б.Очирхүү нар шагнагдлаа. Өсвөрийн бөхийн барилдаанд Гурванбулаг сумын Д.Сандагдорж түрүүлж, Могод сумын М.ӨсөхБаяр үзүүрлэж, Хутаг-Өндөр сумын Э.Төртогтох, Булган сумын У.Жамъянсүрэн нар шөвгийн 4-т шалгарч наадамчин олноо баярлууллаа.

Үндэсний их баяр наадмын босгон дээр "Гавьяат багш" төрлөө

  • .

  • 2019-07-10

  • 50

Анхдагчдын өлгий Булганхангай нутгийнхаа алдар цуутнуудын буухиаг түүчээлж, энэ жил түүхт 50 жилийн ой нь тохиож байгаа Улсын тэргүүний "Эрдмийн өргөө цогцолбор" сургуулийн захирал асан Д.Лхагваням "Монгол улсын Гавьяат багш" цолоор энгэрээ мялаалаа. Үе үеийн шавь нар, хамт олон, нийт Булганчуудынхаа өмнөөс халуун талархал дэвшүүлье.

Ардын Хатанбаатар С.Магсаржавын нэрэмжит шагнал

  • .

  • 2019-07-10

  • 21

Булган аймгийн дээд шагнал "Ардын Хатанбаатар С.Магсаржавын нэрэмжит шагнал"-аар залуу нас, сэтгэл зүрхээ сурган хүмүүжүүлэх үйлсэд зориулсан ахмад багш Б.Бадрах, Булган аймгийн төрийн алба, хөдөө аж ахуйн салбарт 33 жил ажиллаж байгаа аймгийн Засаг даргын орлогч О.Гантулга нар шагнагдлаа. Нийт Булганчуудынхаа нэрийн өмнөөс баяр хүргэж, эрүүл энх, аз жаргал хүсэн ерөөе.

Чин Ван Ханддоржийн хөшөөнд цэцэг өргөлөө

  • .

  • 2019-07-09

  • 15

Тулгар төрийн 2228, Их Монгол улс байгуулагдсаны 813, Үндэсний эрх чөлөөний хувьсгалын 108, Ардын хувьсгалын 98 жилийн ой, аймгийн баяр наадам, өнөө жил мэлмий гийсний 150 жилийн ой тохиож буй Чин Ван Ханддоржийн хөшөөнд цэцэг өргөх ёслолоор эхэллээ.

Баяр наадмын нээлт

  • .

  • 2019-07-10

  • 67

Барс арслангийн хүчитнүүд нь баруун зүүнээ магнайлан гарч 
Хурдан харцагын хүлгүүд нь хурмаст тэнгэртээ тоосоо өргөж 
Эрхий мэргэн харваачид нь эвэр нумаа хөвчлөн татсан 
Эрийн гурван наадам эхэллээ. 

Булган аймгийн баяр наадмын нээлт төв цэнгэлдэх хүрээлэнд 2019.07.10-ны 11.30 цагт эхэлж, аймгийн Засаг дарга З.Батзориг нээж үг хэллээ.

Тэрбээр: 

Бахархах түүх, омогших алдар, хайрлах нутаг нэгтэй, элгэн садан Булганчууд аа

Хүндэт зочид, төлөөлөгчид өө!

Тулгар төрийн 2228 жил, Их Монгол улс байгуулагдсаны 813, Үндэсний эрх чөлөөний хувьсгалын 108, Ардын хувьсгалын 98 жил, Үндэсний их баяр наадмыг тохиолдуулан Та бүхний түмэн амгаланг айлтгаж, баярын мэнд дэвшүүлье.

Тэнгэр эцэг тэтгэн хураа хайрлаж, газар эх дэлгэрч шимээ өгсөн, хуртай зуны энэ өдөр омогших бахархал, дээдлэх уламжлал, дэлгэрэх соёлын цөм болсон үндэсний их баяр наадам маань бахархлыг бадрааж, золбоо хийморийг өргөн эхэлж байна.

Үндэсний их баяр наадмаа хөдөлмөр бүтээлийн өрнүүн амжилт, хүрэх ирээдүйн зорилго, эх орныхоо хөгжил цэцэглэлтэд оруулах хувь нэмэр, энх мэндийн ерөөл билгээр угтан тосдог уламжлалтай билээ.

Төрийн тулгуур, улсын үндэс болсон айл өрх маань 1236 үр хүүхдээр ам бүлээ нэмж, Булганчууд бид 62097-уулаа боллоо. Хүн нэмбэл хүнс нэмнэ гэж Та бидний билэгшээдгээр буянт мал сүрэг өсөж 3.3 саяд хүрлээ. Буудайгаараа алдартай Булган нутгийн тариаланчдын хөдөлмөр зүтгэлийн дүнд 56.7 мянган тонн үр тариа хураан авсан нь 1990 оноос хойш хураан авсан хамгийн арвин ургац болж, нэгжээс авсан ургацын хэмжээгээр улсдаа тэргүүлэгчидийн эгнээнд жагсаж байна.

Дэд бүтцийн салбарын суурь болсон Дулааны цахилгаан станц галаа өрдөн, илчээ түгээсэн, Булган-Орхон-Хишиг-Өндөр-Гурванбулаг чиглэлийн авто замын төгсгөлийн хэсэг 22 км авто зам хөдөлгөөнөө нээсэн, Булган хот дэлхийн жишигт нийцсэн шинэ цэвэрлэх байгууламжийн ажлаа эхлүүлсэн, бизнесийн жишигт нийцсэн Худалдааны төв ашиглалтад орсон гээд Булганчууд бидний он удаан жил хүлээсэн ажлууд үр шимээ өгч эхэлсэн түүхэн жил өрнөж байна.  

Бидний өнгөрснийг бүтээж өнөөдөрт хүргэсэн ахмад настан азай буурлууд, өнөөдрийн түүхийг бичилцэж яваа идэр залуу үе, ирээдүйн хөгжлийг цогцлоох хүүхэд багачууд гээд ажилч, хичээнгүй ард иргэд Та бүхний нөр их хөдөлмөрийн үрээр эдийн засаг, нийгмийн бүхий л салбарт тодорхой өөрчлөлт, ахиц дэвшил гарсныг тэмдэглэн хэлэхэд бахархалтай байна.

Анхдагч гавьяатан, алдар цуутнуудын өлгий Булганчууд бидний хувьд өнөө жил бахархан тэмдэглэх тэгш ойн баярууд тохиож байна. Эх сайхан нутгийн маань эзэн ноён  Эрдэнэ дайчин хошой чин ван Ханддоржийн мэндэлсний 150 жил, Улсын баатар С.Лхагвадоржийн 100 жил, Даян аварга С.Цэрэнгийн мэндэлсний 80 жил, Халх голын ялалтын 80, Атар газар эзэмшсэний 60 жилийн ойг онцлон дурдах нь зүйтэй.

Булганчууд бид түүхэн ойн баяруудаа өргөн дэлгэр, үр өгөөжтэй, үлдэх бүтээл тууривалтай  тэмдэглэн өнгөрүүлэх болно.

Хүндэт наадамчид аа!

Бидний хамтын зүтгэл, хичээнгүй хөдөлмөр, чин сэтгэлийн хүчин чармайлтын үрээр Монголын түүхийн домогт өлгий Булганхангай нутаг минь улам цэцэглэн хөгжих болтугай. Хүчтэний тэнхээ их, хүүхдийн гийнгоо цээл, хүлгийн давхил төгөлдөр, харваачдын сэц мэргэн, зон олны маань сэтгэл тэнүүн сайхан наадахын бэлгэ ерөөл өргөж, дэлхийд ганц монгол наадам дэнж дүүргэн эхэлж байгааг даяар олноо дуурсган зарлая.

 Хотол олноороо сайхан наадаарай.

 

 

Аймгийн баяр наадмын хөтөлбөр

  • .

  • 2019-07-09

  • 62

ИРГЭДИЙН ӨРГӨДӨЛ, ГОМДОЛ, САНАЛ ХҮСЭЛТИЙН ШИЙДВЭРЛЭЛТИЙН ТАЙЛАН /2019 оны хоёр дугаар улирал/

  • .

  • 2019-07-05

  • 51

Булган-Орхон чиглэлийн замын нээлтийн ажиллагаа боллоо

  • .

  • 2019-07-08

  • 61

Булган-Хишиг-Өндөр-Гурванбулаг чиглэлийн 133,7 км авто замын эхлэлийн 22 км хатуу хучилттай авто замын хөдөлгөөн нээлт өнөөдөр боллоо. Нээлтийн ажиллагаа Булган аймгийн Булган сум 100000 саятан жолоочдын хаалганд болж УИХ-ын гишүүн Ж.Бат-Эрдэнэ, ЗТХЯ-ны хэлтсийн дарга, Булган аймгийн ИТХ-ын дарга М.Оюунбат, Засаг дарга З.Батзориг холбогдох албаны хүмүүс, ард иргэд оролцлоо. Тус 133,7 км зам ашиглалтад орсноор Улаанбаатар Булган Мөрөн чиглэлийн зам урдуураа холбогдож Улаанбаатар Дархан Орхон Булган Мөрөн чиглэлийн авто замын ачаалал багасаж 100 гаруй км-ээр бага явж ард иргэдэд эдийн засгийн хувьд хэмнэлт авчрах давуу талтай. Улсын төсвийн 20,9 тэрбум төгрөгийн төсөвт өртөгтэй тус замыг Эйч Кэй Би интернэйшнл холдинг ХХК гүйцэтгэх хугацаанаас 3 сарын өмнө хүлээлгэн өгсөн.

“Бага Алтаргана-2019”

  • .

  • 2019-07-04

  • 72

Булган аймгийн Тэшиг суманд Буриад түмний Бага алтаргана наадам 7 дугаар сарын хоёрны өдөр зохион байгуулагдлаа. Хөрш зэргэлдээ хоёр орны ард түмний он удаан жилийн найрсаг харилцаа, хамтын ажиллагааны илэрийлэл болсон “Эв мод”-ыг Булган аймгийн Засаг дарга З.Батзориг, ОХУ-ын Буриад Улсын Закамень аймгийн дарга С.В.Гонжитов нар нийлүүллээ. Эв модны хоёр талд Уйгаржин монгол, Орос бичгээр “Хоёр орны хил хязгаар тайван, найрамдал орштугай” хэмээн бичсэн байдаг.

“Их алтаргана” наадмыг хоёр жилд нэг удаа зохиодог бөгөөд өнжсөн жилд нь бага наадам хийдэг юм байна. “Бага алтаргана-2019” наадамд Монголын буриадын төв холбоо, Тэшиг, Хөвсгөл аймгийн Цагаан-Үүр, Дорнод аймгийн Баяндун, Хэнтий аймгийн Дадал, Сэлэнгэ аймгийн Ерөө сум, Орхон аймаг, ОХУ-ын Буриад улсын Закамень аймаг, Улаан-Үд хотыг Буриад зон олны төлөөлөл оролцлоо.

Буриад бөхийн +75 кг-ын жинд аймгийн заан О.Мөнх-Ирээдүй, -75 кг-ын жинд Б.Батсүх нар түрүүлж, үнэмлэхүй аваргаар О.Мөнх-Ирээдүй шалгарсан бол Буриад сурын харваанд эрэгтэйчүүдээс Дорнод аймгийн Цагаан-Овоо сумын уугуул, буриад сурын спортын мастер М.Одмандах, эмэгтэй харваачдаас Улаанбаатар хотын Хан-Уул дүүргийн харваач Ю.Мөнхчимэг түрүүллээ.

Мөн буриад дууны уралдаан, “Дангина” гоо бүсгүй шалгаруулах тэмцээн, “Буриадаараа хөөрөлдье” аман зохиолын уралдаан, гар бөмбөгийн тэмцээн наадмын хүрээнд зохион байгуулсан юм.

Хуудас:  1   2   3   4   5  .... (нийт 405 мэдээ )

Булган 80-н жил