Мэдээ

  • .

  • 2018-05-07

  • 668

Хүүхдийн авьяас чадварыг нээн хөгжүүлэх зорилгоор 2 жил тутам Аймгийн Засаг даргын ивээл дор зохион байгуулагддаг "Булган хангайн хүүхдүүд" урлагийн их наадам Цогт хунтайжын талбайд нээлтээ хийлээ.
04 сарын 27, 28-ны өдрүүдэд ХЖТ-д үргэлжлэх тус тэмцээн урлагийн 10 төрөл, 4 насны ангиллаар Булган аймгийн 16 сум 1 тосгоны нийт 800 гаруй хүүхдүүд оролцож авьяас чадвараараа өрсөлдөх юм байна.

“БУЛГАН ХОТЫН ХАВАР” шилдгүүдээ шалгарууллаа

  • .

  • 2018-04-26

  • 222

Булган сумын Соёлын төвөөс хүүхэд, багачуудын дунд анх удаа санаачлан зохион байгуулсан “БУЛГАН ХОТЫН ХАВАР” хүүхдийн урлагийн наадмын дүн гарлаа. Шалгарсан оролцогчдын бүтээлүүдээр нэгдсэн гала тоглолт зохион байгуулсан ба Булган сумын ИТХ, Засаг даргын Тамгын газрын удирдлагууд шилдгүүдэд шагнал гардууллаа.
Шилдэг сургууль:
1-р бүрэн дунд сургууль
Шилдэг багш:
Шилдэг багш Х.Мөнхтогтох /ЭӨЦС/
Тусгай байр:
4-р цэцэрлэг Старс хамтлаг
3-р цэцэрлэг Янзага хамтлаг
1. Хөгжмийн гоцлол
Дунд нас
1-р байр Энхтайван Цэрэнням /ЭӨЦС/
2-р байр Норпил Тэмүүлэн /ЭӨЦС/
3-р байр Эрдэнэжаргал /1-р сургууль/
Ахлах нас
1-р байр Батбаатар Тэргэл /ЭӨЦС/
2-р байр Төгсбат Элбэгзаяа /Соёлын ордон/
3-р байр Батжаргал Долгорсүрэн /1-р сургууль/
2. Гоцлол бүжиг :
Цэцэрлэг
1-р байр Хишигдаваа Чулуунхүү /4-р цэцэрлэг/
2-р байр Батцагаан Мөнх-Ундрал /1-р цэцэрлэг/
3-р байр Бямбабаяр Гэгээнээ /7-р цэцэрлэг/
Бага нас
1-р байр Батбулган Мөнхжавхлан /1-р сургууль/
2-р байр Номин –Эрдэнэ /ЭӨЦС/
3-р Төгсбат Ивээл жаргал /1-р сургууль/
Дунд нас
1-р байр Үүрийнгэгээ Анударь /сдс/
2-р байр Б.Сувд –эрдэнэ /1-р сургууль/
3-р байр Нарантуяа Анужин /1-р сургууль/
Ахлах нас
1-р байр Мягмаржав Хүслэн /ЭӨЦС/
2-р байрУуганбаяр Урангоо /1-р сургууль/
3-р байр Өнөрбуя Мөнхцас /ЭӨЦС/
3. Ардын дуу
Цэцэрлэг
1-р байр Ууганбаяр Янжинлхам /3-р цэцэрлэг/
2-р байр Очирбат Номуундарь /7-р цэцэрлэг/
3-р байр Батжаргал Ариунбат /3-р цэцэрлэг/
Бага нас :
1-р байр Пүрэвцэнд Ундрал /1-р сургууль/
2-р байр Мөнхжингоо /ЭӨЦС/
3-р байр Сувд /ЭӨЦС/
Дунд нас
1-р байр Ш.Амарболд /Соёлын ордон/
2-р байр Сүхбаатар Эрдэнэзаан /3-р сургууль/
3-р байр Эрдэнэбулган Нарангэрэл /ЭӨЦС/
Ахлах нас
1-р байр Мөнхболд Биндэръя /СДС/
2-р байр Батсуурь Цэрэннүү /1-р сургууль /
3-р байр Бүдрагчаа Түвшинтөр /ЭӨЦС/
4. Эстрад дуу:
1-р байр Ганболд Зол-эрдэнэ Соёлын ордон
2-р байр Оюун Цогтгэрэл /ЭӨЦС/
3-р байр Мөнхсүлд Мөнх-ертөнц /1-р сургууль/
5. Зохиолын дуу:
Цэцэрлэг
1-р байр Батзориг Эгшиглэн /4-р цэцэрлэг/
2-р байр Тунгалагтамир Оюунгэрэл /7-р цэцэрлэг/
3-р байр Алтангарьд Энхуянга /6-р цэцэрлэг/
Бага нас
1-р байр Эрдэнэ Золбаяр /ЭӨЦС/
2-р байр Түвшинбаяр Анударь /1-р сургууль/
3-р байр Жаргалсайхан Баяндэлгэр /ЭӨЦС/
Дунд нас
1-р байр Цогтсайхан Баяржаргал /Соёлын ордон/
2-р байр Лхагвасүрэн Солонго /3-р сургууль/
3-р байр Учралзаяа /1-р сургууль/
Ахлах нас
1-р байр Гэрэлцогт Билгүүн /3-р сургууль/
2-р байр Наранмандах Бямбадорж /1-р сургууль/
3-р байр Бямбадорж Ариунжаргал /ЭӨЦС/
6. Уран уншлага:
Цэцэрлэг
1-р байр С.Нандин –эрдэнэ /2-р цэцэрлэг/
2-р байр Туяацэцэг Мөнх-ивээл /4-р цэцэрлэг/
3-р байр Есүй /7-р цэцэрлэг /
Бага нас
1-р байр Танхилсолонго /1р сургууль/
2-р байр Т.Ивээлжаргал /1р сургууль/
3-р байр Г.Түшиг /3-р сургууль/
Дунд нас
1-р байр Мөнх-эрдэнэ Оюундарь /1-р сургууль/
2-р байр Өнөболд /ЭӨЦС/
3-р байр Ганчимэг /1-р сургууль/
Ахлах нас
1-р байр Номин-Эрдэнэ /1-р сургууль/
2-р байр Сайнсанаа /1-р сургууль/
3-р байр Ягаанзул /1-р сургууль/
7. Ардын бүжиг хамтлаг:
1-р байр Үндэстэн хамтлаг /1-р сургууль/
2-р байр Угсаатан хамтлаг /ЭӨЦС/
3-р байр Адуучин залуус хамтлаг /1-р сургууль/
2-р цэцэрлэг Талст хамтлаг
1-р сургууль Уянга хамтлаг
8. Язгуур урлаг:
1-р байр Цомирлог-1 хамтлаг /Соёлын ордон /
2-р байр Цомирлог -2 хамтлаг
3-р байр Шуранхай /Соёлын ордон/
9. Цэнгээнт бүжиг:
1-р байр Жимсний чанамал хамтлаг /3-р сургууль /
2-р байр Улаансарнай /ЭӨЦС/
10. Морин хуур хамтлаг:
1-р байр Мөнгөн хуур хамтлаг /ЭӨЦС /
2-р Айзам хамтлаг /1-р сургууль/
3-р байр Хүрэл хуур /Соёлын ордон /
11. Чөлөөт бүжиг хамтлаг:
1-р байр Индэр биндэр хамтлаг /Соёлын ордон/
2-р байр Жимсний чанамал хамтлаг /3-р сургууль/
12. Хамтлаг дуу:
1-р байр Эмоци -2 хамтлаг /Соёлын ордон/
2-р байр Арт гайс хамтлаг /СДС/
3-р байр Гүүд хамтлаг /ЭӨЦС/

Иргэн та “Жорлонгоо өөрчилье” хувьсгалд нэгдээрэй

  • .

  • 2018-04-26

  • 232

Өнөөдөр /2018.04.25/ “Нутгийн шийдэл сан”-аас “Цэвэрч Монгол” төслийн хүрээнд явагдаж буй “Жорлонгоо өөрчилье” хэмээх төслийн сургалтыг Булган аймгийн Засаг даргын Тамгын газартай хамтран амжилттай зохион байгууллаа. Энэхүү сургалт нь Чин ван Ханддоржийн танхимд болж төслийн багийнхан, аймгийн 16 сум 1 тосгоны сумдын удирдлагууд, байгаль орчны салбар хариуцсан мэргэжилтэнүүдийн төлөөлөл бүхий 100 гаруй хүн идэвхтэй оролцлоо. Сургалтын нээлтэд үе үеийн аймгийн Засаг дарга нар оролцсон нь төслийн багийнхан талархалтай хүлээн авлаа.

Сургалтаар тус сангийн тэргүүн, Соёл, спорт аялал жуулчлалын сайд асан Ц.Оюунгэрэл мөн төслийн багш нар нүхэн жорлонг өөрчлөх эрүүл ахуйн шаардлага, хууль эрхзүйн стандартын ямар эрхзүйн орчин бүрдүүлэх, жорлонгоор бизнес хэрхэн хийж болох, иргэдийн оролцоотойгоор жорлонгоо яаж өөрчилсөн жишээ, эдийн засаг санхүү төсөв хөрөнгийг хэрхэн босгох, жорлонгоо өөрчлөх хүмүүс шийдвэр гаргахдаа голлон анхаарах асуудал зэрэг лекц хичээлүүд орлоо.

Үргэлжлүүлэн дадлага ажлаар Булган аймагт тохирсон тал нутагтаа ээлтэй өнгө үзэмжийг бүрдүүлж, олон газрыг ухаж сэндийлэн бохирдуулахгүйгээр эрүүл мэндэд ээлтэй жорлонтой болох боломжууд, ямар технологи сонгох, бизнес эрхлэхэд анхаарах зүйлс, орон нутагт зохион байгуулалтын төлөвлөгөө гаргах, санхүүгийн эрхзүйн шийдлийн талаар зөвлөлөө. Манай аймаг нь газар тариалангийн нөөц, үртэсний нөөц, биологийн нөөц ихтэй баялаг хөрстэй. Эдгээр нөөцийг ашиглан цэвэр ус болон урсгал усаа хэрхэн хадгалж авч үлдэх технологиудыг заалаа. Сургалтад хамрагдсанаар хөрсний бохирдлоос урьдчилан сэргийлэхэд жорлонгоо өөрчлөх нь нэн чухал гэдэгт санал, хүсэл нэгдэн бүгд сертификаттай боллоо.

“Нутгийн шийдэл” ТББ-тай хамтран “Жорлонгоо өөрчилье” төслийн сургалт Монгол орон даяар 21 аймаг, 9 дүүрэгт ажиллах юм байна. Төслийн багийнхан 20 дахь аймагтаа манай Булган аймагт ирж сургалтаа зохион байгуулж, энэхүү сургалтын үр дүнд сэтгэл хангалуун байгаагаа илэрхийллээ.

Бид тогтвортой ирээдүйг бий болгохын тулд ариун цэврийн байгууламжийн эрүүл ахуйн нөхцөлийг сайжруулах учиртай. Хүн бүхэн тав тухтай эрүүл орчинд бие засах эрхтэй. Бидний хэрэглэдэг жорлон эх дэлхийгээ бохирдуулахгүй байвал уух ус, амьдрах орчин, хүүхэд эрүүл байх ажээ.

80 жилийн ойн баярын хандивын үйл ажиллагааг “Булган Инноваци” ТББ хариуцан ажиллахаар боллоо

  • .

  • 2018-04-25

  • 686

Булган аймаг байгуулагдсаны түүхт 80 жилийн ойн баярын хандивын үйл ажиллагааг “Булган Инноваци” ТББ хариуцан ажиллахаар болж 80 жилийн үйл ажиллагааг зохион байгуулах комиссын дарга, аймгийн Засаг даргын орлогч Ц.Бат-Өлзийтэй хамтран ажиллах гэрээ байгууллаа.

“Булган Инноваци” ТББ өнгөрсөн жил Хутаг-Өндөр суманд болсон байгалийн гамшигт үзэгдлийн үеэр хохирсон иргэдэд тусламж үзүүлэх хандивын үйл ажиллагааг амжилттай зохион байгуулж байсан ба гэр бүл, хүүхэд, залуучуудад чиглэсэн сургалтуудын аймаг, орон нутагтаа олон удаа зохион байгуулсан туршлагатай залуучуудын нэгдэл юм.

Булган аймгийн 80 жилийн хандивын дансны ил тод байдал, зарцуулалтад аймгийн Засаг даргын тамгын газрын Санхүү, төрийн сангийн хэлтэс хяналт тавьж ажиллахаар уг гэрээнд тусгагдсан байна.

“БУЛГАН ХОТЫН ХАВАР” хүүхдийн урлагийн наадам болж байна

  • .

  • 2018-04-24

  • 297

Булган сумын Соёлын ордноос санаачлан “Булган нэг үе” ТББ-ын санхүүжилтээр “БУЛГАН ХОТЫН ХАВАР” хүүхдийн урлагийн наадмыг Булган сумын хүүхэд, багачуудын дунд анх удаа зохион байгуулж байна.дэлгэрэнгүй . .

Ажлын цаг шилжүүлэх тухай захирамж

  • .

  • 2018-04-20

  • 124

Аймаг байгуулагдсаны түүхт 80 жилийн ойн ажлын зохион байгуулалт, үйл ажиллагааг эрчимжүүлэх зорилгоор аймгийн хэмжээнд үйл ажиллагаа явуулж байгаа төрийн байгууллагын ажлын цагийг 2018 оны 4 дүгээр сарын 23-ны өдрөөс өглөө 8.00 цагт эхлэхээр боллоо.

“ЦЭВЭР ОРЧИН - ЦЭМЦГЭР БУЛГАН” АЯН ЗАРЛАГДЛАА

  • .

  • 2018-04-17

  • 340

“ЦЭВЭР ОРЧИН - ЦЭМЦГЭР БУЛГАН” АЯНЫ УДИРДАМЖ

Нэг. Аяны зорилго

          “Байгаль орчныг хамгаалах тухай” хууль, “Хог хаягдлын тухай” хууль, Монгол Улсын Ерөнхийлөгчийн 2010 оны 63 дугаар зарлигийг орон нутгийн хэмжээнд хэрэгжүүлэх,иргэдийн экологийн боловсролыг дээшлүүлэх, хог хаягдлыг багасгах, ногоон байгууламжийг нэмэгдүүлэх ажлыг аймгийн хэмжээнд зохион байгуулж, Улсын баяр наадам, аймгийн 80 жилийн ойн тэмдэглэлт баярын өмнө хоггүй цэвэр сайхан орчныг бүрдүүлэхэд  оршино.

Хоёр. Хамрах хүрээ

          Аймаг, сум, багийн Засаг дарга, иргэн, аж ахуйн нэгж, байгууллага

Гурав. Хэрэгжүүлэх хугацаа

          Аймгийн хэмжээнд “Цэвэр орчин-Цэмцгэр Булган” аяныг хоёр үе шаттайгаар зохион байгуулна. Үүнд:

  • Нэгдүгээр үе шат: 2018 оны 04 дүгээр сарын 05-наас 06 дугаар сарын 05-ны өдөр
  • Хоёрдугаар үе шат: 2018 оны 06 дугаар сарын 06-наас 09 дүгээр сарын 05-ны өдөр

Дөрөв. Аяны үйл ажиллагааны чиглэл

          Аяныг хог хаягдлыг цэвэрлэн зайлуулах, ногоон байгууламж, цэцэрлэгжүүлэлт, сургалт сурталчилгаа зохион байгуулах, болзолт уралдаан зарлах, хариуцлагын тогтолцоог хэвшүүлэх гэсэн чиглэлээр хийж гүйцэтгэнэ.

Нэгдүгээр чиглэл: Хог хаягдлыг цэвэрлэн зайлуулах

  1. Төв суурин газарт нийтийн эзэмшлийн талбай, айл өрх, аж ахуйн нэгж, байгууллагын хог хаягдлыг цэвэрлэн зайлуулах
  2. Сум, багуудад өвөлжөө, хаваржаа, бэлчээр, гол горхи, нуур цөөрмийн хог хаягдал, үхсэн малын сэг зэмийг цэвэрлэх /Сэг зэмийг устгах ажлыг сумдын Мал эмнэлэг үржлийн тасаг хариуцан хийж гүйцэтгэх/
  3. Улсын болон орон нутгийн чанартай зам, уул даваа, овоо тахилгын хог хаягдлыг цэвэрлэх
  4. Эзэнгүй хог хаягдал, хууль бус хогийн цэгүүдийг цэвэрлэх, дарж булах
  5. Улсын баяр наадам, аймгийн 80 жилийн ойн баярын өмнө, хойно нийтийг хамарсан цэвэрлэгээний ажлыг зохион байгуулах

Хоёрдугаар чиглэл: Ногоон байгууламж, цэцэрлэгжүүлэлт

  1. Сум бүр ногоон байгууламж, цэцэрлэгжүүлэлтийн ажлын зураглал, төлөвлөгөө гарган ажиллаж, ногоон байгууламжийг нэмэгдүүлэх
  2. Бүх нийтээр мод тарих өдөрт сумын иргэд, аж ахуйн нэгж, байгууллагыг бүрэн хамруулах
  3. Ногоон байгууламж, цэцэрлэгжүүлэлтийн ажлыг эзэнжүүлж амьдралтын хувийг нэмэгдүүлэх

Гуравдугаар чиглэл: Сургалт сурталчилгаа

  1. Аяныг олон нийтэд сурталчилсан өдөрлөг, сурталчилгааны ажил зохион байгуулах
  2. Хог хаягдлын тухай хууль, хог хаягдлыг багасгах, ангилан ялгах, эргүүлэн ашиглах талаар сургалт зохион байгуулж, сурталчилгааны материал хэвлүүлэн тараах
  3. Мод бут тарьж арчилах, цэцэрлэгжүүлэлтийн талаар сургалт зохион байгуулж, сурталчилгааны материал хэвлүүлэн тараах
  4. Сумдад “Хүүхэд залуучуудад экологийн боловсрол олгох хөтөлбөр”-ийг хэрэгжүүлэн ажиллаж, “Эко клуб” байгуулан үйл ажиллагааг жигдрүүлэх

Дөрөвдүгээр чиглэл: “Цэвэр орчин-Эрүүл амьдрал” болзолт уралдаан зарлаж дүгнэх

  1. “Цэвэр орчин-Эрүүл амьдрал” уралдааны болзлыг сумдад хүргүүлэх
  2. Уралдааны болзлын дагуу тайлангаа ирүүлсэн сумдаас 5 сумыг сонгон зохион байгуулсан ажилтай газар дээр нь очиж танилцан 3 сумыг уралдааны болзлын шалгуур үзүүлэлтийн дагуу шалгаруулан байр эзлүүлэх
  3. Уралдаанд эхний байр эзэлсэн сумдын шагналыг 06 дугаар сарын 05-ны өдөр тэмдэглэн өнгөрүүлдэг “Дэлхийн байгаль хамгаалах өдөр”-өөр гардуулан өгнө.

Тавдугаар чиглэл: Хариуцлагын тогтолцоог хэвшүүлэх 

  1. Хог хаягдалтай холбоотой зөрчлийг шийдвэрлэх ажлыг иргэд байгууллагуудад ойлгуулан таниулах ажлыг сум бүр зохион байгуулах /Сум, багийн Засаг дарга, Цагдаа, Мэргэжлийн хяналтын байцаагч хариуцан хийх/
  2. Олон нийтийн байцаагч ажиллуулж, ил задгай, зориулалтын бус газар хог хаягдал хаях, шатаах зөрчлүүдэд тогтмол хяналт тавих
  3. Хариуцлагын тогтолцоог хэвшүүлэх, сум, багийн Засаг дарга, цагдаа, мэргэжлийн хяналтын байцаагчдын зөрчил гаргагчдад оногдуулах торгууль, шийтгэврийн ажлыг эрчимжүүлэх

 

"ЭЛЭГ БҮТЭН МОНГОЛ" ҮНДЭСНИЙ ХӨТӨЛБӨРИЙН 2 ДАХЬ ШАТНЫ НЭЭЛТ 4 САРЫН 4-НД ЭХЭЛНЭ.

  • .

  • 2018-04-03

  • 191

"Элэг бүтэн Монгол" үндэсний хөтөлбөрийн 2 дахь шатны нээлтийн үйл ажиллагаа улс орон даяар 4 сарын 4-нд эхлэх гэж байна. Энэхүү хөтөлбөр 2018 онд 15-39 насны иргэдийг B, C вирусийн илрүүлэг шинжилгээнд үнэ төлбөргүй хамруулах юм. Дээрх насны иргэн та 4 дүгээр сарын 4-ний 10:00 цагт Булган аймгийн Нэгдсэн эмнэлэгт хүрэлцэн ирээрэй.

БУЛГАН АЙМАГ ДАХЬ ЭРҮҮГИЙН ХЭРГИЙН АНХАН ШАТНЫ ШҮҮХТЭЙ ХАМТАРСАН ЗАНГИАГҮЙ УУЛЗАЛТ ЗОХИОН БАЙГУУЛСАН ТАЛААР

  • .

  • 2018-03-29

  • 237

Булган аймгийн Прокурорын газрын 2018 оны үйл ажиллагааны төлөвлөгөөнд тусгагдсаны дагуу тус прокурорын газраас санаачлан Булган аймаг дахь Сум дундын эрүүгийн хэргийн анхан шатны шүүхтэй хамтарсан зангиагүй уулзалтыг зохион байгууллаа.

Уг уулзалт зөвлөгөөнд прокурорууд болон эрүүгийн хэргийн анхан шатны шүүхийн шүүгчид, прокурорын туслах ажилтнуудын хамт оролцлоо.

Зөвлөгөөнөөр аймгийн прокурорын газрын Ерөнхий прокурор Г.Лхагвасүрэн зөвлөгөөнийг нээж 2018 онд Прокурорын байгууллагаас хяналтын ажлын чиглэлээр дэвшүүлсэн зорилт, Прокурорын байгууллагын удирдах ажилтны зөвлөгөөнөөс хууль хэрэгжүүлэхтэй холбогдуулан өгсөн чиглэл холбогдох мэдээллийн талаар танилцуулж, ерөнхий прокурорын орлогч Ж.Болорпүрэв “Прокурорын байгууллагаас 2017 онд хийж гүйцэтгэсэн зарим ажлын товч танилцуулга”, “Шинэчлэн батлагдсан Эрүү болон Эрүүгийн хэрэг хянан шийдвэрлэх тухай хууль хэрэглээний анхаарах зарим асуудал”-ын талаар, Сум дундын эрүүгийн хэргийн анхан шатны шүүхийн ерөнхий шүүгч С.Цэрэндулам “Шүүхээр хэрэг хянан шийдвэрлэхэд хэрэг бүртгэх, мөрдөн байцаах ажиллагаанд гарч буй анхаарах зарим асуудлын талаар” тус тус мэдээлэл хийсэн байна.

Мөн шинэчлэн батлагдсан Эрүү болон Эрүүгийн хэрэг хянан шийдвэрлэх тухай хууль, Зөрчил тухай хууль, Зөрчил шалган шийдвэрлэх тухай хуулиудыг хэрэгжүүлэхэд тулгарч буй зарим ойлгомжгүй асуудал, цаашид анхаарвал зохих ажлын талаар санал солилцсон байна.

ТУРКИЙН АРД ТҮМНИЙ ХАЛУУН СЭТГЭЛ БУЛГАН НУТГИЙГ ЗОРИЛОО

  • .

  • 2018-03-20

  • 501

Бүгд найрамдах Турк улсын ТИКА олон улсын байгууллага нь Булган аймагтай хамтын ажиллагаатай билээ. Өнөөдөр /2018.03.20/ тус улсын Засгийн газрын Шадар сайд Хакан Чувашолу Монгол улсад айлчлал хийсэн юм. Тус айлчлалынхаа хүрээнд Булган аймагт учраад буй цаг агаарын хүндрэлтэй нөхцөл байдалд дэмжлэг үзүүлэн 320 тонн тэжээлийг УИХ-ын гишүүн, Зам тээвэр, хөгжлийн сайд Ж.Бат-Эрдэнэ, аймгийн Засаг даргын орлогч О.Гантулга болон сум , орон нутгийн удирдлагуудад хүлээлгэн өглөө. Булган аймгаас сонгогдсон УИХ-ын гишүүн, Зам тээвэр, хөгжлийн сайд Ж.Бат-Эрдэнэ болон аймаг, орон нутгийн хүсэлтийг ийнхүү дэмжин ажилласанд Булган нутгийн нийт зон олны өмнөөс Турк улсын ард түмэнд талархал илэрхийлье.

 

БУЛГАН АЙМГИЙН ПРОКУРОРЫН ГАЗРЫН ПРОКУРОР, АЖИЛТНУУДАД СУРГАЛТ ЗОХИОН БАЙГУУЛЛАА

  • .

  • 2018-03-19

  • 321

Улсын Ерөнхий прокурорын газарт энэ сарын 2-6-ны өдрүүдэд Аймаг, Нийслэл, Тээвэр, Дүүргийн прокурорын газрын Ерөнхий прокурорын орлогч нарын нэгдсэн сургалт, зөвлөгөөнд Булган аймгийн прокурорын газрын ерөнхий прокурорын орлогч Ж.Болорпүрэв нь оролцсон бөгөөд зөвлөгөөний үеэр УЕПГ-ийн хэлтсийн дарга нарын өгсөн үүрэг, чиглэл, анхаарах асуудлын талаар прокурор, туслах ажилтнуудад 2018 оны 03 дугаар сарын 13-ны өдөр танилцууллаа.

Аймгийн прокурорын газрын ерөнхий прокуророос дээд шатны прокурорын өгч буй үүрэг, чиглэлийн дагуу хяналтын ажлын чанар үзүүлэлтийг ахиулах, ажил дүгнэх шалгуур үзүүлэлтийг хангаж ажиллах, зайлшгүй хийгдвэл зохих ажлуудын талаар дотооддоо зохион байгуулалтын арга хэмжээ авч ажиллахаар тодорхой чиглэл өгч ажиллаа.

Мөн орлогч прокурор Ж.Болорпүрэв нь нэгдсэн сургалт зөвлөгөөний үеэр заалгасан Монголын оюун ухааны академийн захирал, илтгэгч Х.Хатанбаатарын “Тархиа үр дүнтэй ашиглах нь” сэдэвт сургалтыг тус прокурорын газрын прокурор, ажилтнуудын дунд зохион байгуулж, ой тогтоолт хөгжүүлэхэд баримтлах дүрэм, ой тогтоолтын аргачлалын зарчим, арга техникийн талаарх ойлголтыг өгч дасгал ажил хийлгэсэн нь оролцогчдын сонирхол, идэвхийг сэргээсэн үр дүнтэй сургалт боллоо.

Малчин–даатгуулагч та өндөр насны тэтгэврээ хэрхэн тогтоолгох вэ?

  • .

  • 2018-03-14

  • 326

Тэтгэвэр тогтоолгох нөхцөл

1. Нийгмийн даатгалын шимтгэлийг нийт 20-оос доошгүй жил, үүнээс 15-аас доошгүй жил малчнаар ажиллаж, тэтгэврийн даатгалын шимтгэл төлсөн эрэгтэй малчин даатгуулагч 55 нас хүрсэн бол

2. Нийгмийн даатгалын шимтгэлийг нийт 20-иос доошгүй жил, үүнээс 12 жил 6 сараас доошгүй жил малчнаар ажиллаж, тэтгэврийн даатгалын шимтгэл төлсөн эмэгтэй малчин даатгуулагч 50 нас хүрсэн бол

Бүрдүүлэх бичиг баримт

1.1991 оноос өмнө малчнаар ажилласан хугацаа

- Хөдөлмөрийн дэвтэр, Хөдөө аж ахуйн нэгдлийн гишүүний дэвтэр, эсхүл дэвтрийн бичилт шаардлага хангахгүй бол архивын лавлагаа, шүүхийн шийдвэр

2. 1991-1995 оны хооронд малчнаар ажилласан хугацаа

- Хөдөлмөрийн дэвтэр, “НДШ- төлөлтийг бүртгэх тооцооны хуудас”

- Мал тэжээвэр, амьтад, хашаа худгийн ... оны тооллого / А данс /

- Тухайн баг хорооны Засаг даргын тодорхойлолт

3. 1995 оноос хойш малчнаар ажилласан хугацаа

- Нийгмийн даатгалын дэвтэр, эсвэл малчнаар ажилд авсан, чөлөөлсөн тушаал. Нийгмийн даатгалын шимтгэл төлсөн эсэх архивын лавлагаа, Сайн дурын даатгалын гэрээ, Мал тэжээвэр, амьтад, хашаа худгийн ... оны тооллого

- Тухайн баг хорооны Засаг даргын тодорхойлолт

Хэрэв тухай малчин-даатгуулагч дээрх хугацаанд малчнаар ажилласан, шимтгэл төлсөн хугацаа хангагдахгүй байвал Ажилласан жил, тэтгэврийн даатгалын шимтгэлийг нөхөн тооцох хуулинд хамрагдаж байсан бол уг хугацаанд мөн малчин байсан бол /1990-2001/ дээрх бичиг баримтыг бүрдүүлэн малчнаар ажилласан хугацаа болон нийт шимтгэл төлсөн хугацаанд оруулан тооцож болно. Дээрх бичиг баримтаар нотлогдоогүй бол уг хуульд заасан хугацааг малчнаар ажилласан хугацаанд оруулан тооцохгүй харин нийт ажилласан хугацаанд тооцно.

Эмэгтэй малчин-даатгуулагчийн хувьд гэр бүлийн баталгаа, эсхүл архивын лавлагаа, шүүхийн шийдвэрийг хавсаргана.

· Малчин даатгуулагч нэгдсэн загварын дагуу аймаг, сумын архивын тасгаас гаргасан А дансны лавлагааг гаргуулан авна. Энэхүү лавлагааны хамт А дансны жил бүрийн бүртгэлийн эхний нүүрний овог, нэр, ам бүлийн тоо, өрхийн 16-аас дээш насны нийт малчдын тоо зэрэг мэдээлэлтэй хэсгийг хуулбарлан лавлагааны хамт хавсаргана.

· Сум ,баг хорооны Засаг даргаас ам бүлийн тодорхойлолтыг жишиг загварын дагуу авна.

· Малчин –даатгуулагчийн өөр аймаг, дүүрэг, суманд малчнаар ажиллаж байсан хугацаа нь А дансаар тодорхойлогдож байвал уг хугацааны ам бүлийн тодорхойлолтыг авахгүй.

· Малчин даатгуулагч хамтын амьдралтай байсан нь иргэний шүүхээр тогтоосон хугацаанд тухайн иргэнийг өрхийн гэр бүлийн гишүүн-малчнаар ажилласанд тооцно.

Малчнаар ажилласан хугацаанд дараах жилүүд хамаарахгүй. Үүнд :

1.Цэргийн алба хаасан хугацаа

2.Хөдөлмөрийн чадвараа бүрэн буюу хагас алдсаны улмаас нийгмийн даатгалын сан болон нийгмийн халамжийн сангаас тахир дутуугийн тэтгэвэр, хөгжлийн бэрхшээлтэй иргэний тэтгэвэр авч байсан хугацаа.

Хэрэв: Малчин-даатгуулагч тахир дутуугийн тэтгэвэр, хөгжлийн бэрхшээлтэй иргэний тэтгэвэр авч байсан хугацаандаа Нийгмийн даатгалд сайн дурын үндсэн дээр хамрагдаж шимтгэл төлсөн тохиолдолд малчнаар ажилласан хугацаанд тооцохгүй, харин нийт шимтгэл төлсөн хугацаанд оруулан тооцно.

Малчин –даатгуулагчийн нийгмийн даатгалын шимтгэл төлсөн хугацаанд А дансны бүртгэл устсан, үрэгдсэн тохиолдолд малчнаар ажилласан хугацааг шүүхээр сэргээн тогтоолгож болно.

Дээрх баримтуудаар малчин-даатгуулагчийн өндөр насны тэтгэвэр тогтоолгох эрх үүсэхгүй, шимтгэл төлсөн жил хүрэлцэхгүй байвал “Малчин, хувиараа хөдөлмөр эрхлэгчийн тэтгэврийн даатгалын шимтгэлийг нөхөн төлүүлэх” тухай 2019.01.01 –нээс хэрэгжих хуулинд хамрагдаж болно.

Хуудас: ....  8   9   10   11   12   13   14   15   16  .... (нийт 291 мэдээ )

Булган 80-н жил