Мэдээ

Сургалт зөвлөн туслах үйл ажиллагааг хоёр өдөр 9 сарын 20-21 өдрүүдэд зохион байгуулна.

  • .

  • 2021-09-20

  • 29
БШУЯ , Боловсролын хүрээлэн , Багшийн мэргэжил дээшлүүлэх институт, Булган аймгийн Засаг даргын Тамгын газар, Боловсрол соёл урлагын газар хамтран “ Хичээл үйл ажиллагааг зохион байгуулах, сурлагын хоцрогдлыг нөхөх, арилгах менежмент “ сэдвээр сургалт, зөвлөн туслах үйл ажиллагааг Булган аймгийн ерөнхий боловсролын сургууль, цэцэрлэгийн удирдах ажилтнуудад зориулан зохион байгуулж байна.
 

Булган сумын удирдлагуудтай цаг үеийн асуудлаар хуралдлаа.

  • .

  • 2021-09-09

  • 63
Аймгийн Засаг дарга Б. Ариун-Эрдэнэ, хөгжлийн бодлогын хэлтсийн дарга Д. Буманбаяр , Санхүү төрийн сангийн хэлтсийн дарга Д. Батцогт, Хууль эрхзүйн хэлтсийн дарга Б.Одхүү тэргүүтэй аймгийн удирдлагууд Булган сумын удирдлагууд, тохижилт үйлчилгээний ангийн дарга ажилтнуудтай хуралдаж байна.
Аймгийн ЗДТГ-аас өвөлжилтийн бэлтгэл ажил хангах ажлын төлөвлөгөөний дагуу Булган аймгийн төвд үйл ажиллагаа явуулж буй Тохижилт үйлчилгээний ангийн үйл ажиллагаа бүтэц зохион байгуулалт , Сууц өмчлөгчдийн холбооны үйл явц, хог хаягдлын ачилт,хот суурин газарт бэлчиж малын бүсээс хэтэрсэн тохиолдолд торгууль тарифтай болгох , нийтийн тээврийг тогтмол зорчуулах зэрэг асуудлаар ярилцлаа.

Залуучуудын салбар зөвлөл аймгийн Засаг даргатай уулзалт хийв

  • .

  • 2021-09-08

  • 83
Энэ онд МЗХ -ны түүхт 100 жилийн ой тохиож ойтой холбоотой олон хөтөлбөрт үйл ажиллагааг аймаг орон нутаг бүр зохион байгуулж байна. Өнөөдөр Булган аймгийн Засаг дарга Б. Ариун-Эрдэнэтэй Аймгийн Залуучуудын холбооны салбар зөвлөл уулзалт зохион байгуулж мэдээлэл солилцлоо.
Булган аймгийн салбар зөвлөл 9 хүний бүрэлдэхүүнтэй ажиллаж 16 сум, 1 тосгон 75 багийн нийт 15-34 насны 17441 хүүхэд залууст хүрч ажиллахаар зорин ажиллаж байна.
Булган аймгийн хэмжээнд 8 сарын 16-наас 9 сарын 25 хүртэл сарын аян зарлаж ,” Залуус санаачлага -100 жил” болзолт уралдааныг зарлаад байна.
Болзолт уралдааны хүрээнд төрийн албан хаагчдын нийгмийн хариуцлагын асуудлыг шийдвэрлэх болон аймгийн хэмжээнд 46 байгууллагаар хоёр аялах дэвтэр аялахаар гаргажээ.
Мөн Залуучуудын байгууллагын зүгээс “ Залуу нас-Мөнхийн тэмүүлэл “ ном хэвлэгдэхэд бэлэн болж, Ойтой холбоотой Төв номын санд “ Залуучууд - Воок лоунж” төслийг эхлүүлэхээр болжээ.
Аймгийн Засаг дарга онцлохдоо: Залуучуудын байгууллага үүсч хөгжсөний 100 жилийн ойн мэнд хүргэж , залуу боловсон хүчин хүүхэд залуучуудыг Булган нутгийнхаа ирээдүй цохилох зүрх хэмээн олж харж зуун хувь дэмжин ажиллахад бэлэн гэдгээ илэрхийллээ.

“Мобиком корпораци” Хүүхэд бүрд тэгш боловсрол SMART EDUCATION төслийг хэрэгжүүлж, Булган аймгийн багачуудад гар утас бэлэглэлээ.

  • .

  • 2021-09-07

  • 67
Ковид-19 цар тахлын улмаас бүх шатны сургуулиудын тэнхимийн үйл ажиллагаа зогсонги, хичээл сургалтын хөтөлбөр цахим хэлбэрт шилжсэн. Тэгвэл интернэтгүй, гэрэл цахилгаангүй, гэр бүлийн орчинд нь техникийн боломж нөхцөл бүрдээгүй зэрэг шалтгаанаар цахим хичээлээ үзэж чадахгүй 180 мянга орчим сурагч байгаа гэсэн судалгааг мэргэжлийн байгууллагууд хийсэн байна. Эдгээр хүүхдүүд сурах чин хүсэл эрмэлзэлтэй ч техник технологийн хүртээмжгүй байдлаас шалтгаалан үе тэнгийнхнээсээ тусгаарлагдах, хичээлийн хоцрогдолд орох зэрэг асуудлуудтай нүүр тулаад байгаа.
Энэ эрсдэлийг багасгах, сурагчдыг дэмжихэд Мобиком Корпорацийн хэрэгжүүлж буй "SMART EDUCATION" төслийн гол зорилго оршиж байна. Төслийн хүрээнд Монгол орон даяар оршин суугаа 9 дүүрэг, 21 аймгийн Ерөнхий Боловсролын Сургуулийн сурагчдад технологийн дэмжлэг үзүүлж, гар утас бэлэглэж байна. Ийнхүү боловсролын тэгш байдлыг дэмжих “Smart education“ төслийн нээлт Булган аймагт амжилттай болж, хичээл сургуулийн энэ цаг үед 40 сурагчид интернет дата бүхий “Samsung M12 “маркийн ухаалаг утастай боллоо. Мобиком корпораци Булган аймагт олон төсөл хөтөлбөр хэрэгжүүлж байгаа бөгөөд “Шинэ хөгжлийн зам“ Засаг даргын мөрийн хөтөлбөрт орсон бүх сумдад хийгдэж эхэлсэн 4G сүлжээ бүхий суурин антенн юм. Үүрэн телефоны тэргүүлэгч оператор Мобиком корпораци нь 2021 онд манай аймагт хөдөөгийн 17 багт 4G сүлжээний сайтуудыг байгуулж, нийгмийн хариуцлагийн хүрээнд гэр оронгүй 6 айлд гэр, мөн ЕБС-ын хүүхдүүдэд 40 ширхэг ухаалаг гар утас, гамшгийн нөхцөлд ажилласан төрийн албан хаагчдад интернетийн дата эрх зэрэг 6 тэрбум төгрөгийн хөрөнгө оруулалт хийсэн нь тус компанийн 25 жилийн түүхэнд оруулсан хамгийн их хөрөнгө оруулалт болсон юм.

Удирдах шатны албан хаагчдын шуурхай хуралдаан боллоо

  • .

  • 2021-09-06

  • 69
Даваа гариг бүр уламжлал ёсоор Засаг даргын дэргэдэх хэлтэс агентлагууд оролцдог шуурхай хуралдаан болж цаг үеийн мэдээлэл солилцлоо. Энэ удаагийн хуралд Аймгийн ОБГ, ЭМГ нөхцөл байдлын мэдээллээ хийсэн бол аймгийн санхүү хяналт аудитын албанаас шилэн дансны 2020 оны жилийн эцсийн тайлан мэдээллийг нийт удирдлагуудад танилцуулав.
Булган аймгийн хэмжээнд үйл ажиллагаа явуулж байгаа төсвийн ерөнхийлөн захирагч, төсөвт байгууллагуудын shilendans.gov.mn сайтанд мэдээлсэн байдлыг шалгахад Аймгийн "Шинэ хөгжлийн зам" үйл ажилллагааны хөтөлбөрийн 2.1, 5-2 шилэн дансны хэрэгжилтийг хангах зорилтын хүрэх үр дүн 99,5 хувьд хүргэнэ гэж заасан бол эхний хагас жилийн байдлаар Шилэн дансны системд нийт 234 байгууллага 13 495 мэдээ оруулахаас 13 318 мэдээллийг мэдээлж шилэн дансны хуулийн хэрэгжилт 98,6 хувьтай байна гэж дүгнэжээ.
Үүнээс 90 байгууллага мэдээллээ хугацаа хоцроолгүй бүрэн мэдээлж, 69 байгууллага 442 мэдээллийг хугацаа хоцроож, 41 байгууллага 177 мэдээллийг огт мэдээллээгүй байна.
Аймгийн удирдлагын зүгээс цаашид шилэн дансны хөтлөлтийг цаг тухай бүр хоцроолгүй мэдээлж байхыг анхаарууллаа.
Мөн Булган аймгийн хэмжээнд Ковид-19 Коронавирусын тархалт өндөр, дельта вирус орж ирсэн байх магадлалтай байгааг ЭМГ-ын дарга С.Нарантуяа мэдээлэлдээ дурьдсан.
Булган сум буюу аймгийн төвийн эрсдэлт бүлэг буюу өндөр настан, хөгжлийн бэрхшээлтэй зэрэг 55 наснаас дээш иргэдэд дархлаажуулалтын 3 дахь тунг өнөөдрөөс хийж эхэлсэн байна.
Лабораторийн тандалтын хувьд сүүлийн 24 цагт хийгдсэн шинжилгээ түргэвчилсэн оношлуураар 76 үүнээс илэрсэн 49, нийт 27 068 үүнээс эерэг илэрсэн 3 407 тохиолдол, ПГУ шинжилгээ нийт 1256 үүнээс эерэг тохиолдол 410 гарчээ.
Булган сумын хувьд халдварын байдал хүндэрсэн, төрийн албан хаагчид өвчлөх нь ихэссэн эмнэлэгийн салбараас гэхэд 30 хувь өвдсөн байгаа тул иргэн бүр өөрөө өөрсдөө халдвар хамгааллаа чанд сайтар сахих хэрэгтэй байгааг ЭМГ-аас онцоллоо.

ПЕТРОВИС КОМПАНИ НЭГДСЭН ЭМНЭЛЭГТ ХҮЧИЛТӨРӨГЧИЙН АППАРАТ, ШАТАХУУН ХАНДИВЛАЛАА

  • .

  • 2021-09-06

  • 57
Монгол улсдаа түлш шатахуун нийлүүлэн ажилладаг Петровис компани нийгмийн хариуцлагын хүрээнд Аймгийн Нэгдсэн эмнэлэгт хүчилтөрөгчийн өтгөрүүлэгч аппарат, Нэг сая төгрөгийн өртөг бүхий түлш шатахууныг Ковид-19 коронавирусын эсрэг тэмцэх ажилд зориулан хандивлалаа.

АЙМГИЙН ЗАСАГ ДАРГЫН ЗӨВЛӨЛИЙН ХУРАЛ ХУРАЛДАЖ БАЙНА

  • .

  • 2021-09-01

  • 50
Булган аймгийн засаг даргын зөвлөлийн хурал болж байна. Энэ удаагийн хурлаар Улсын төсвийн хөрөнгө оруулалтаар хийгдэх ажлын жагсаалт танилцуулах, Шилэн дансны тухай хуулийн хэрэгжилтийн тухай /2021 оны эхний хагас жилийн тайлан, Ногоон хөгжлийн хэтийн зорилтын 2 үе шатны үйл ажиллагааны төлөвлөгөө батлах зэрэг асуудлуудыг хэлэлцэж байна. Зөвлөлийн хурлаар орсон зарим асуудлыг 9 сарын 8-ны өдөр хуралдах Аймгийн ИТХ-ын Тэргүүлэгчдийн хуралд оруулж хэлэлцүүлнэ.

9 САРЫН 1

  • .

  • 2021-09-01

  • 32
Булган нутгийн минь нийт багш нар болон эцэг эхчүүд, оюутан залуус, сурагч дүү нартаа 2021-2022 оны хичээлийн шинэ жилийн мэндийг дэвшүүлье.
Бүхний тэргүүнд боловсрол байж, боловсролтой ажилч, хичээнгүй ард иргэдтэй орон нутаг хөгжин дэвждэгийн жишгээр хүүхэд нэг бүрийнхээ хичээл сурлагад онцгой анхаарах нь Булган нутгийн төр захиргааны болон мэргэжлийн байгууллагуудын чухал зорилт байх болно.
Энхрий бяцхан үрсээ эрдэм боловсролтой, эрүүл чийрэг МОНГОЛ хүн болгож хүмүүжүүлэхэд Булганчууд бид ХАМТДАА ХИЧЭЭЦГЭЭЕ...

Аймгийн удирдах шатны албан хаагчдын шуурхай хуралдаан боллоо

  • .

  • 2021-08-30

  • 26
Аймгийн Засаг даргын дэргэдэх хэлтэс албад болоод төрийн захиргааны байгууллагуудын удирдах шатны албан хаагчдын хурал Даваа гариг бүр болдог уламжлалтай. Өнөөдөр шуурхай хуралдааны үеэр УОК -ийн өндөржүүлсэн бэлэн байдлын хугацаа сунгах захирамжийг сунгах тухай, мөн Аймгийн Засаг даргын захирамж 9 сарын 1-нээс бүх Төрийн байгууллагууд өглөөний 9-18 цаг хүртэлх хуучин цагийн хуваарьт шилжүүлэх захирамжийн талаар мэдээлсэн бол ХХААГ-аас өвөлжилтийн бэлтгэл ажил хангах хадлан бэлтгэлтийн ажил, Цагдаагийн газрын сүүлийн долоо хоногын хэв журам зөрчлийн тухай, Булган сумын ЗДТГ-ын цаг үеийн мэдээллийг нийтэд хүргэлээ.
ЭМГ-аас хийсэн мэдээлэлд Булган аймагт Дельта вирус илэрсэн байж болзошгүй 20 шинжилгээг Улаанбаатар хот руу ХӨСҮТ рүү явуулсан байна. Өнөөдрийн байдлаар Булган аймагт халдварын тоо нийт 2621 болж, нийт 6 нас баралт бүртгэгдээд байна. 823 иргэн эмчлэгдэж байгаагаас 4 хүнд тохиолдол, 91 хүүхэд коронавирусын халдвараар өвдсөн байна. Гэрийн ажиглалтанд 2100 иргэн байна.
Төрийн байгууллагууд дунд халдвар их байгааг ЭМГ-ын дарга С.Нарантуяа онцоллоо.
Хурлын төгсгөлд Аймгийн Засаг дарга Б.Ариун-Эрдэнэ нийт Төрийн албан хаагчдад дараах үүрэг чиглэлийг өглөө.
Булган аймагт хувийн хэвшлийн санаачлагаар хийгдэж байгаа бүтээн байгуулалтын зарим ажилд чөдөр тушаа болж буй төрийн албан хаагчид байгааг онцлоод орон нутагт хэн ч байсан бүтээн байгуулалт хөгжил авчирахыг зорьж байгаа ямар ч иргэнийг дэмжих болно гэдгээ илэрхийллээ.
Мөн Төрийн байгууллагууд гадна талбайн өнгө үзэмжээ сайжруулахыг үүрэг болгож, Ковидын нөхцөл байдлын улмаас төсөв хүндэрч байгаа тул түргэвчилсэн шинжилгээг үнэтэй авах чиглэлийг баримтлах үүрэг өглөө. Хөрш зэргэлдээ Орхон аймгийн хувьд ойрын хавьтал биш ч бол сайн дурын шинжилгээг үнэ төлбөртэй авсаар хагас жил болж байгаа юм.
Шуурхайн төгсгөлд Ковидын нөхцөл байдлаас болж хойшлоод байсан Эрүүл мэндийг дэмжигч байгууллага, шилдэгүүдийг шалгаруулсан шагналыг гардуулан өглөө.

АЙМГИЙН ОНЦГОЙ КОМИССЫН 2021 ОНЫ 08 ДУГААР САРЫН 30- НЫ 21 ДҮГЭЭР ХУРАЛДААН БОЛЛОО

  • .

  • 2021-08-30

  • 24
Хуралдаанаар Тэшиг, Сэлэнгэ, Хангал, Хутаг-Өндөр суманд үүссэн цаг үеийн нөхцөл байдлын мэдээллийг сумдын Засаг дарга нар онцгой комиссын гишүүдэд цахимаар танилцуулж, Үерийн улмаас Эгийн гүүрний автозамын далан сэтэрсэн, эрчим хүчний талаас авч хэрэгжүүлж буй арга хэмжээний талаар “Булган Азза“ ТӨХК, Эрдэнэт-Булган ЦТС компаниудаас мэдээлэл, Ковид-19 Коронавирусын нөхцөл байдлын өнөөгийн байдлын талаар Эрүүл мэндийн газар, Хичээлийн шинэ жил эхлэх болсонтой холбогдуулан бэлтгэл ажлын явцын тухай БСУГ-аас, МАА өвөлжилтийн бэлтгэл аюулгүйн нөөцийн өвс, тэжээлийн бэлтгэл хангах талаар ХХААГ-аас мэдээлэл оруулж хэлэлцлээ.

Булган аймгийн багш нарын бага хурал уламжлал ёсоор өнөөдөр болж байна

  • .

  • 2021-08-30

  • 15
Хоёр хоногийн дараа цар тахалтай буй ч хичээл орох болсонтой холбогдуулан 2020-2021 оны хичээлийн жилд зохион байгуулсан ажлын талаар мэдээлэл хийх, шинэ хичээлийн жилийн зорилго зорилтоо хэлэлцэн батлах, цар тахлын үед хэрхэн ажиллах талаар зөвлөгөө мэдээлэл өгөх зорилгоор АЗДТГ, МХГ, ЦГ, ЭМГ-тай хамтран цахимаар зохион байгуулж байна. Энэ үеэр Аймгийн Засаг дарга Б. Ариун-Эрдэнийн санаачлагаар анх удаа сурлага, урлаг, спортоор бусдыгаа манлайлсан 30 сурагчид их , дээд сургуулийн эхний жилийн сургалтын тэтгэлгийн батламжийг олголоо. Булган аймгийн хэмжээнд ЭЕШ-2021 онд гурван сурагч 800 оноо авч , бусад сурагчид 700 гаруй оноогоор удаалж тэтгэлэг авах болзлыг хангасан, байна. Элсэлтийн ерөнхий шалгалтандаа өндөр оноо авсан багш сурагчид анх удаагаа тэтгэлэгт хамрагдсандаа сэтгэл хангалуун буйгаа илэрхийлж , цаашид олон сурагчид сайн суралцах түүчээ зорилт болж байна гэж онцолж байна.

Булган аймгийн Засаг дарга Б.Ариун-Эрдэнэ тэргүүтэй аймгийн удирдлагууд Тэшиг суманд ажиллалаа

  • .

  • 2021-08-30

  • 25

“Эрдэнэт-Булганы цахилгаан түгээх сүлжээ“ компаниас өнөөдөр ажлын хэсэг гарч унасан шонгуудыг босгож байна. Мөн “Булган АЗЗА“ ТӨХК зам арчлалтын анги газар, далан сэтэрсэн хэсгийн эхний хэсгүүдийг засварлаж байна. Тэшиг суманд үйл ажиллагаа явуулдаг салбар Шатахуун түгээх станцуудтай ярилцан шуурхай арга хэмжээ авч, ургац болон хадлан тэжээлд шаардлагатай байгаа шатахууны нөөцийг бүрдүүлэхээр боллоо. Гүүрний хойд хэсэгт 60 орчим метр далан нурсан, засагдахаар авто машины хөдөлгөөнийг нээнэ. Тэшиг суманд одоогоор Аймгийн Онцгой байдлын газрын албан хаагчид, Эрдэнэт -Булганы цахилгаан түгээх сүлжээ компани, “Булган АЗЗА“ зам арчлалтын анги ажиллаж байна.

Хуудас:  1   2   3   4   5  .... (нийт 454 мэдээ )

Булган 80-н жил