Мэдээ

Булган-Орхон чиглэлийн 22 км автозамын ажлын нээлт

  • .

  • 2018-06-17

  • 36

Аймгийнхаа түүхт 80 жилийн ойн босгон Булган-Хишиг-Өндөр-Гурванбулаг чиглэлийн 133.7 км авто замын эхлэл Булган-Орхон чиглэлийн 22 км автозамын ажлын нээлт өнөөдөр /2018.06.17/ боллоо. Улсын төсвийн хөрөнгө оруулалтаар баригдаж байгаа тус замын гүйцэтгэгчээр “HKB” ХХК ажиллаж байгаа бөгөөд 2018 оны 10 сарын 30-нд хүлээлгэн өгөхөөр төлөвлөж байна. “HKB” ХХК нь өмнө нь Уньт-Тариалан чиглэлийн автозамын гүйцэтгэгчээр ажиллаж байсан билээ. Тус зам ашиглалтад орсноор Булган сумаас Улаанбаатар хот ороход 100 гаруй км замыг товчлох төдийгүй аялал жуулчлал, нийтийн хоол, үйлчилгээний салбарт томоохон нөлөө үзүүлэх эдийн засгийн ач холбогдолтой юм.  

”ЭВИЙН ӨРГӨӨ” ЭНХИЙН ГҮЙЛТ БУЛГАН АЙМГААР...

  • .

  • 2018-06-11

  • 32

Бясалгалын их багш Шри Чинмойгийн 1987 онд анх санаачилсан Даян дэлхийн Эв найрамдлын гүйлт эдүгээ бөмбөрцгийн хүн төрөлхтнийг нэгтгэсэн гүйлт болжээ. Тус гүйлтэд гүйгчид өнөөдөр /2018.06.11/ Булган аймагт ирж, аймгийн Засаг даргын орлогч Ц.Бат-Өлзий тэргүүтэй холбогдох хүмүүс угтан авлаа. Энэхүү гүйлтэд өмнө нь Тереза эх, Ерөнхийлөгч М.С.Горбачёв, энхийн төлөө тэмцэгч Нельсон Мандела зэрэг улс гүрний эв нэгдлийн төлөө итгэл, сэтгэлээ зориулсан олон мянган хүмүүс оролцож байжээ. 

Монгол улсад 1995 оноос тус гүйлтийг Улаанбаатар хот дахь Шри Чинмойн марафоны баг зохион байгуулж эхэлсэн. Энэ удаагийн гүйлтэд Монголын баг тамирчид гүйх ба БНХАУ-ын Амгаланбаатар хотоос Хятадын багтай нийлж, Дорнод, Сүхбаатар, Хэнтий, Төв, Улаанбаатар, Сэлэнгэ, Дархан-Уул, Орхон, Булган, Хөвсгөл, Завхан,Увс, Баян-Өлгий аймгийн нутгаар дайран нийт 3000 км замыг туулах аж.

Хүн төрөлхтний эв найрамдал мандтугай!

“ХАНГИНАХЫН ШУГУЙН ШАГАЙН ТОЙРОМ” 4 ДЭХ ЖИЛДЭЭ

  • .

  • 2018-06-08

  • 31
Үндэсний спортын VI их наадам, Аймгийн Засаг даргын “Хөгжлийн хөтөч” хөтөлбөрийн “Монгол нум сум” дэд хөтөлбөрийг хэрэгжүүлэх ажлын хүрээнд “Хангинахын шугуйн шагайн тойром” сур болон шагайн харвааны тэмцээнүүдийг Хутаг-Өндөр сумын “Гуртын хөтөл” хэмээх газар 2018.06.02-03-ны өдрүүдэд зохион байгууллаа. Нээлтийн үйл ажиллагаанд аймгийн Засаг даргын орлогч Ц.Бат-Өлзий, Хутаг-Өндөр сумын Засаг дарга П.Итгэлбаяр, Биеийн тамир, спортын газрын дарга А.Ханддорж нар үг хэлсэн юм.
 
Сурын харваа нь дотроо Үндэсний, Буриад, Уламжлалт, Урианхай сурын харвааны төрлүүдээр зохион байгуулагдсанд нийт зургаан багийн 48 харваачид оролцож, цэц мэргэнээ сорьсноос Спортын мастер-3, спортын Дэд мастер -1, Урианхай сурын Спортын мастер-1, спортын Дэд мастер-1, Аймгийн мэргэн-5, Сумын мэргэн-7 оролцлоо.
 
Шагайн харваанд Булган, Архангай, Дархан-Уул, Сэлэнгэ, Хөвсгөл, Орхон нийт зургаан аймгийн 35 багийн 307 харваачид оролцож, онь мэргэнээ сорин наадлаа. Ийнхүү олон аймгийн эрхий мэргэн, онь цэцийг шалгадаг манай уламжлалт тэмцээн ийнхүү дөрөв дэх жилдээ амжилттай сайхан зохион байгуулагдлаа.

АЙМГИЙН ЗАСАГ ДАРГЫН ДЭРГЭДЭХ ЗӨВЛӨЛИЙН ХУРАЛ БОЛЛОО

  • .

  • 2018-06-06

  • 38

Аймгийн Засаг даргын дэргэдэх Зөвлөлийн ээлжит хурал 2018.06.05-нд болж, дараах асуудлуудыг хэлэлцлээ. Үүнд: Хоршооны тухай хуулийн хэрэгжилтийн байдал, Бэлчээрийн менежментийн талаар баримтлах бодлогын хэрэгжилт, аймгийн 80 жилийн ойн бэлтгэл ажлууд, хүндэт зочдод өгөх гарын бэлгийн багц зэрэг асуудлуудыг зөвлөн шийдвэрлэсэн юм.
Мөн Ерөнхий боловсролын сургуулиудын удирдлагууд аймгийн Засаг даргын үйл ажиллагааны хөтөлбөрт боловсролын чиглэлээр тусгасан зорилтуудыг хэрэгжүүлсэн үйл ажиллагааны мэдээлэл, түүхт 80 жилийн ойг угтан зохион байгуулж буй ажлынхаа танилцуулгыг хийлээ.

“Байгууллага сурталчлах өдөрлөг”-т урьж байна

  • .

  • 2018-06-05

  • 37

Булган аймагт Тагнуулын байгууллага үүсэн байгуулагдсаны түүхт 80 жилийн ойг тохиолдуулан 2018.06.06-ны өдөр 08:00-17:00 цагийн хооронд Булган сумын Соёлын төвд “Байгууллага сурталчлах өдөрлөг” болох тул иргэд та бүхнийг хүрэлцэн ирэхийг урьж байна.

Өдөрлөгөөр Тагнуулын байгууллагын гэрэл зургийн баримтын үзэсгэлэн, хугацаат цэргийн алба хаасан, хэлмэгдсэн эсэх, НАХЯ-нд ажиллаж байсан ажилтнуудын ажилласан жилийн лавлагаа болон иргэдийн эрэлт хүсэлтийг хүлээн авна. Холбоо барих утас: 7034-2260

Иргэдэд ойр эрх зүйн үйлчилгээ

  • .

  • 2018-06-05

  • 348

Төрийн албан хаагч, иргэдэд хууль эрх зүйн мэдээ мэдээллийг хүртээмжтэй, цогцоор нь хүргэх зорилгоор аймгийн Засаг даргын 2017 оны А/266 тоот захирамжаар байгуулагдсан эрх зүйн сургалтын баг 16 сум, 1 тосгонд ажиллаж байна. Энэхүү ажлын хүрээнд Булган сумын 4 дүгээр баг Зүүнтүрүү, 1 дүгээр баг Малчны хороо, Байшинт, 6 дугаар баг Буриадын хорооны  иргэдийг хамруулан “Иргэдэд ойр эрх зүйн үйлчилгээ” сэдэвт үйл ажиллагааг зохион байгууллаа. Уг арга хэмжээнд аймгийн ЗДТГ-ын Хууль, эрх зүйн хэлтэс, Цэргийн штаб, Нийгмийн даатгалын хэлтэс, Цагдаагийн газар, Шүүх, Прокурор, Газрын харилцаа, барилга, хот байгуулалтын газар,  Татварын хэлтэс, Шүүхийн шийдвэр гүйцэтгэх газар, Шүүх шинжилгээний алба зэрэг байгууллагын эрх зүйн багийн мэргэжилтнүүд оролцон өөрийн салбарын холбогдох хууль, эрх зүйн талаар иргэдэд зөвлөгөө өгч, санал хүсэлтийг нь сонсон, гарын авлага тараан  ажиллалаа.

ХӨРӨНГӨ ОРУУЛАХ ГЭРЭЭНД ГАРЫН ҮСЭГ ЗУРЛАА

  • .

  • 2018-06-05

  • 96

Булган аймгийн удирдлагууд өнөөдөр /2018.06.04/ Орхон аймагт ажиллаж, Эрдэнэт үйлдвэр ХХК-ийн Ерөнхий захирал Х.Бадамсүрэнтэй уулзан, хамтын ажиллагааны гэрээнд гарын үсэг зурлаа. Энэхүү гэрээ нь 2018-2020 онд хэрэгжих бөгөөд Булган аймгийн бүтээн байгуулалт, хөдөө аж ахуй, жижиг дунд үйлдвэрлэлийг хөгжүүлэх, байгаль орчин хамгаалах, ажлын байр нэмэгдүүлэх зэрэг үйл ажиллагаанд Эрдэнэт үйлдвэрээс хөрөнгө оруулалт хийх тухай юм.

Тухайлбал: Булган аймгийн Төв цэнгэлдэх хүрээлэнгийн засвар, Хангал-Хялганат, Сэлэнгэ сум чиглэлийн авто замын засвар, арчлалт, гэр хорооллын гэрэлтүүлэг, мах сүү боловсруулах үйлдвэр байгуулах, бизнес эрхлэгчдийг мэргэшүүлэх, дадлагажуулах сургалтад хамруулах зэргээс гадна манай аймгийн оюутан, сурагчдыг Эрдэнэт үйлдвэр ХХК-ийн тэтгэлгээр сургахад дэмжлэг үзүүлэх юм байна.

ЭХ ҮРСИЙН БАЯРЫН ХӨТӨЛБӨР

  • .

  • 2018-05-30

  • 48

Хүүхэд багачуудын хүсэн хүлээдэг "Эх үрсийн баяр" тун удахгүй болно. Тус баярын хүрээнд зохион байгуулагдах үйл ажиллагааны хөтөлбөртэй танилцана уу?

ХАНГИНАХЫН ШУГУЙН ШАГАЙН ТОЙРОМ БОЛНО

  • .

  • 2018-05-30

  • 109

Монголын гурван том шагайн тойрмын нэг "Хангинахын шугуйн шагайн тойром" 2018.06.02-03-ны өдрүүдэд Хутаг-Өндөр сумын Гуртын хөтөлд зохион байгуулагдах гэж байна. 

Аймгийн Иргэдийн Төлөөлөгчдийн хурлын хуралдаан эхэллээ

  • .

  • 2018-05-23

  • 58

Өнөөдөр /2018.05.23/ Аймгийн Иргэдийн Төлөөлөгчдийн хурлын долоо дахь удаагийн сонгуулийн VIII хуралдаан эхэллээ. Тус хуралдаанаар гурван асуудал хэлэлцэх юм.
Үүнд: Эрүүл мэндийн байгууллагын үйл ажиллагаа /Эрүүл мэндийн газрын дарга С.Нарантуяа/
-Аймгийн түүхт 80 жилийг угтсан бүтээн байгуулалт, үйл ажиллагаа, зохион байгуулалт /Аймгийн Засаг даргын орлогч Ц.Бат-Өлзий/
-Орон нутгийн өмчийн газрын мэдээлэл /аймгийн Орон нутгийн өмчийн газрын дарга Ц.Батжаргал/ нар тус тус мэдээлэл хийж, тухайн асуудлын хүрээнд хэлэлцэнэ. Хуралдааны мэдээллийг тухай бүрд нь хүргэх болно.

Аймгийн Засаг даргын дэргэдэх зөвлөлийн хурал болж байна

  • .

  • 2018-05-15

  • 65

Аймгийн Засаг даргын дэргэдэх зөвлөл энэ оны 10 дахь хурлаа өнөөдөр /2018.05.14/ хийлээ. Тус хурлаар 11 асуудал хэлэлцэж, шийдвэрлэх юм. Үүнд: Шилдэг санхүүгийн алба, төрийн болон аж ахуйн нэгжийн нягтлан бодогч шалгаруулах, шүлхий өвчний оношлуурын хөрөнгө шийдэх, “Хангайн хонь 60 жил” ойг тэмдэглэх, иргэдийн өргөдөл, хүсэлтийг шийдвэрлүүлэх зэрэг асуудлыг хэлэлцэж байна. Мөн Хангал, Сэлэнгэ, Бугат, Орхон сумд, Хялганат тосгоны аймагтай байгуулсан гэрээний биелэлт, аймгийн түүхт 80 жилийн ойн хүрээнд хийж буй бүтээлч ажлын талаар танилцуулга хийгдлээ. Аймгийн удирдлагууд сумдад өнгө төрхөө шинэчилж, бүтээн байгуулалтын үйл ажиллагаагаа эрчимжүүлэн ажиллахыг үүрэг болголоо.

БУЛГАН СУМЫН ИРГЭДИЙН ТӨЛӨӨЛӨГЧДИЙН ХУРЛЫН ДОЛОО ДАХЬ ХУРЛЫН СОНГУУЛИЙН 7-Р ХУРАЛДААН

  • .

  • 2018-05-10

  • 57

Булган аймгийн Булган сумын Иргэдийн Төлөөлөгчдийн хурлын долоо дахь хурлын 7-р хуралдаан өнөөдөр /2018.05.10/ Булган сумын Соёлын төвд зохион байгуулагдаж байна. Энэхүү хуралдаанаар Мал амьтныг төвөөс гаргах тухай, Газар зохион байгуулалтын төлөвлөгөөнд нэмэлт өөрчлөлт оруулах тухай зэрэг асуудлуудыг хэлэлцэж байна. Хэлэлцсэн асуудлуудын гаргасан тогтоолыг эргэн мэдээлэх болно. 

Хуудас:  1   2   3   4   5  .... (нийт 274 мэдээ )

БУЛГАН АЙМГИЙН 2017 оны ОНЦЛОХ ҮЙЛ ЯВДАЛ